सावंतवाडी : श्री सद्गुरु संगीत कला व सांस्कृतिक मंडळ,सावंतवाडी व सावंतवाडी नगरपरिषद यांच्या संयुक्त विद्यमाने व सद्गुरु संगीत विद्यालय सावंतवाडी चे संचालक गुरुवर्य निलेश मेस्त्री यांच्या निर्मिती व संकल्पनेतून सलग सातव्या वर्षी खास त्रिपुरारी पौर्णिमेनिमित्त "हे चांदणे फुलांनी..." जुन्या - नव्या हिंदी व मराठी गीतांचा व चित्रपट गीतांचा सदाबहार नजराणा व नृत्याविष्कार सादर करण्यात आला. जनरल जगन्नाथराव भोसले शिवउद्यान सावंतवाडी (गार्डन) येथे ही मैफिल संपन्न झाली.
कार्यक्रमाचे उद्घाटन सावंतवाडीचे माजी नगराध्यक्ष बबन साळगावकर, माजी उपनगराध्यक्ष राजन पोकळे, सैनिक पतसंस्थेचे कार्याध्यक्ष सुनील राऊळ, दिनकर परब, सोमा सावंत, प्रताप परब, हेमंत खानोलकर, आरवली वेतोबा देवस्थान अध्यक्ष जयवंत राय, माजी सभापती रवी मडगावकर, मालवणी कवी दादा मडकईकर यांच्या शुभ हस्ते करण्यात आले. यावेळी वर्षा देवण - धामापुरकर, ॲड. सिद्धी परब, केतकी सावंत, मधुरा खानोलकर, अनामिका मेस्त्री, पूजा दळवी, मानसी वझे, नेहा दळवी, सानिका सासोलकर, निधी जोशी, श्री नितिन धामापूरकर, भास्कर मेस्त्री, कु सर्वेश राऊळ, यांनी एकापेक्षा एक सरस गीते सादर करत रसिकांना मंत्रमुग्ध केले. चिन्मयी मेस्त्री, अलीशा मेस्त्री, मुग्धा पंतवालावलकर, ऋतुजा परब, श्रेया म्हालटकर, स्नेहल बांदेकर, तन्वी दळवी कर्तव्य बांदेकर, विभव विचारे, कैवल्य बर्वे या बालचमुच्या विशेष सादरीकरणाने सर्व रसिकांचे लक्ष वेधून घेतले. तर पूजा सावंत - राणे व अनुप्रिया राणे यांच्या नृत्याने कार्यक्रमास अधिकच रंगत आली. या कार्यक्रमाला साथसंगत निलेश मेस्त्री (हार्मोनियम), किशोर सावंत, सिद्धेश सावंत व निरज मिलिंद भोसले (तबला), अश्विन (गुड्डू) जाधव (ऑक्टोपॅड), मंगेश मेस्त्री, (सिंथेसायझर), दुर्वा किशोर सावंत (गिटार) यांनी केली. तर संजय कात्रे यांनी आपल्या विशेष शैलीमध्ये निवेदनाची धुरा सांभाळली. ध्वनीव्यवस्था सर्वेश पिंगुळकर व सहकारी यांनी सांभाळली. या मैफिलीस ज्येष्ठ रंगकर्मी वसंत उर्फ भाऊ साळगांवकर, पुंडलिक दळवी, नंदू शिरोडकर, किरण सिद्धये, ऍड. अरुण पणदुरकर, श्री प्रियोळकर, वैजनाथ देवण, चंद्रकांत घाटे, नित्यानंद आठल्येकर, वीरेंद्र आठल्येकर, शंकर प्रभु, उत्कर्षा मेस्त्री, मानसी भोसले, अर्चना वझे, प्राची दळवी, अनघा रामाणे यांच्या सह अनेक मान्यवर मंडळीनी व जिल्हाभरातील रसिक प्रेक्षकांनी मोठ्या संख्येने उपस्थित होते.
कार्यक्रम यशस्वी होण्यासाठी सावंतवाडी नगर परिषदेचे मुख्याधिकारी सागर साळुंखे, श्रीकांत जोशी, गोविंद माळगावकर, मनिष पवार, हेमंत खानोलकर, सोमा सावंत, तानाजी सावंत यांचे सहाय्य लाभले.
