कणकवली : श्रम, जिद्द, सातत्य असेल तर यश नक्की मिळते, काहीतरी घडण्याची जिद्द असावी, विद्यार्थ्यांनी प्रेरणादायी कार्य करावे यासाठी हा सत्कार समारंभ आहे. त्यामुळे विद्यार्थ्यांची जबाबदारी वाढली आहे, असे मार्गदर्शन जेष्ठ नागरिक सेवा संघ सिंधुदुर्गचे जिल्हाध्यक्ष राजस रेगे यांनी केले. ग्राहक पंचायत महाराष्ट्र शाखा कणकवली, पेन्शनर्स असोसिएशन कणकवली आणि ज्येष्ठ नागरिक सेवा संघ कणकवली यांच्या संयुक्त विद्यमाने बुधवारी पेन्शनर्स भवन कणकवली येथे गुणवंत विद्यार्थी गुणगौरव सोहळा मान्यवरांच्या उपस्थितीत पार पडला. यावेळी ते बोलत होते. या कार्यक्रमात भालचंद्र मराठे,माजी जिल्हाध्यक्ष, पेन्शनर्स असोसिएशन सिंधुदुर्ग, मनोहर पालेकर , श्रद्धा कदम तालुकाध्यक्ष ग्राहक पंचायत महाराष्ट्र,शाखा कणकवली, हरीभाऊ भीसे सर, गोविंद साळकर , उपाध्यक्ष पेन्शनर्स असोसिएशन कणकवली, सुगंधा देवरुखकर, जिल्हा उपाध्यक्ष ग्राहक पंचायत महाराष्ट्र,सिंधुदुर्ग यांनी विद्यार्थ्यांना शुभेच्छा देत आपले मनोगत व्यक्त केले. गुणवंत विद्यार्थिनी सान्वी कारेकर आणि प्रतीक्षा पाटील यांनी मनोगत व्यक्त केले. पालक प्रतिनिधी म्हणून श्री.कारेकर सर यांनी मनोगत व्यक्त केले.
१२ वी व १० वी मधील कणकवली तालुक्यात प्रथम, द्वितीय व तृतीय क्रमांक प्राप्त केलेल्या विद्यार्थ्यांना सन्मानचिन्ह, प्रमाणपत्र, गुलाब पुष्प, पेन व पुस्तक देऊन गौरविण्यात आले. सदर कार्यक्रमास राजस रेगे, मनोहर पालेकर ,अर्जुन राणे, भालचंद्र मराठे, प्रा. हरीभाऊ भिसे, विलास चव्हाण, कुबेर भोजे, प्रमोद लिमये, गोविंद साळकर, अनुप्रिया रेगे, प्रियांका दळवी, राजन भोसले,सुगंधा देवरुखकर, रिमा भोसले, श्रद्धा कदम,पूजा सावंत, सिद्धार्थ तांबे,विनायक पाताडे, सखाराम सपकाळ इत्यादी तीनही संघटनांचे पदाधिकारी, सदस्य उपस्थित होते.
सूत्रसंचालन सौ. रीमा भोसले (जिल्हा महिला संघटक, ग्राहक पंचायत महाराष्ट्र सिंधुदुर्ग) यांनी, प्रास्ताविक सौ. पूजा सावंत, (सचिव, ग्राहक पंचायत महाराष्ट्र,शाखा कणकवली) यांनी तर आभार प्रदर्शन प्रमोद लिमये (सचिव ज्येष्ठ नागरिक संघटना कणकवली) यांनी केले .
