वेंगुर्ला : खानोली येथील श्री सिद्धेश्वर विविध कार्यकारी सहकारी सेवा संस्था मर्यादित, खानोली या संस्थेच्या नूतन वास्तूचा शुभारंभ सोहळा शनिवार, दिनांक १४ नोव्हेंबर रोजी सकाळी १० वाजता आयोजित करण्यात आला आहे.

खानोली पंचायतनाच्या कृपाशीर्वादाने होणाऱ्या या सोहळ्याचे उद्घाटन सिंधुदुर्ग जिल्हा मध्यवर्ती सहकारी बँकेचे अध्यक्ष मनीष दळवी यांच्या शुभहस्ते होणार आहे. संस्थेच्या नव्या वास्तूमुळे संस्थेच्या कामकाजाला अधिक सुसज्ज आणि प्रशस्त जागा उपलब्ध होणार असून, सभासद व शेतकऱ्यांना अधिक चांगल्या सुविधा मिळण्यास मदत होणार आहे.

या शुभारंभ सोहळ्यानिमित्त दुपारी ३ वाजता श्री सत्यनारायण महापूजेचे आयोजन करण्यात आले आहे. या धार्मिक व मंगलमय सोहळ्याला खानोलीसह परिसरातील ग्रामस्थ, सभासद, हितचिंतक आणि सहकार क्षेत्रातील मान्यवरांनी सहकुटुंब उपस्थित राहावे, असे आवाहन संस्थेचे चेअरमन प्रशांत खानोलकर, व्हाईस चेअरमन सुभाष खानोलकर, सचिव व सर्व संचालक मंडळ सदस्यांच्या वतीने करण्यात आले आहे.