कुडाळ : कुडाळ तालुक्यात दुष्काळ जाहीर झाल्यामुळे पाण्याचा अपव्यय टाळण्यासाठी कुडाळ नगरपंचायतीने एक महत्त्वाचा निर्णय घेतला आहे. या निर्णयानुसार, कुडाळ नगरपंचायतीमार्फत शहरातील डॉल्फिन कारंजे, गणेशघाट येथील कारंजे आणि नमो उद्यान येथील कारंजे सध्या बंद ठेवण्यात आले आहेत. 

या ठिकाणचे कारंजे आता फक्त विशिष्ट सण किंवा उत्सवांच्या कालावधीतच वेळोवेळी चालू ठेवले जातील. इतर वेळी ते पूर्णपणे बंद ठेवले जातील. त्यामुळे पाण्याचा अपव्यय थांबण्यास मदत होईल. याबाबत नागरिकांनी नोंद घ्यावी आणि नगरपंचायतीला पूर्ण सहकार्य करावे, असे आवाहन कुडाळ नगरपंचायतीतर्फे करण्यात आले आहे.