सरन्यायाधीश गवई यांच्यावर बूट फेकण्याचा प्रयत्न केल्याच्या प्रकरणात आता वकील राकेश किशोर यांच्या अडचणी वाढण्याची शक्यता आहे. कारण राकेश किशोर यांच्याविरुद्ध बंगळुरूमध्ये गुन्हा दाखल करण्यात आला आहे. ऑल इंडिया अ‍ॅडव्होकेट्स असोसिएशनचे अध्यक्ष भक्तवचल यांच्या लेखी तक्रारीवरून मंगळवारी संध्याकाळी बंगळुरूमधील विधान सौधा पोलीस ठाण्यात हा गुन्हा दाखल करण्यात आला आहे. या संदर्भातील वृत्त हिंदुस्तान टाईम्सने दिलं आहे.
