कणकवली : 18.18.10 ‍मिश्रणाच्या खतामध्ये भेसळ असल्याप्रकरणी वर्धमान फर्टिलायझर्स ॲन्ड सिड्स प्रा. लि. कंपनीचे मार्केटिंग मॅनेजर राजेश स्वामी आणि वेंगुर्ला तालुका खरेदि विक्री संघाचे व्‍यवस्थापक शहनुमान बाबाजी वराडकर यांची मुख्य न्यायदंडाधिकारी सिंधुदुर्ग ओरोस ए. ए. चेंडके यांनी सबळ पुराव्याअभावी निर्दोष मुक्तता केली. याकामी आरोपी‌ राजेश स्वामी यांच्या वतीने ॲड. राजेंद्र रावराणे, ॲड. प्रज्ञा खोत, ॲड. शुभम देवळे यांनी तर हनुमान वराडकर यांच्या वतीने ॲड. शाम गोडकर यांनी काम पाहिले.

सविस्तर हकिकत अशी, तत्कालीन खत निरिक्षक मानिक सखाराम त्र्यंबके यांनी कृषी आयुक्तलयाच्या आदेशान्वये ‍ 11 जानेवारी 2012 रोजी तालुका खरेदी विक्रि संघ वेंगुर्ला या ‍ठिकाणी जाऊन वर्धमान फर्टिलायझर्स ॲन्ड सिड्स प्रा. लि. या कंपनीने उत्पादित केलेले आणि संघाने विक्रिस ठेवलेले 18.18.10 या मिश्रणाच्या खताचे तपासणीकरता नमुने घेतले व त्याचा पंचनामा करुन नमुना रासायनिक तपासणीकरीता प्रयोगशाळा पुणे येथे येथे त्वरीत पाठविला. प्रयोगशाळेमध्ये तपासणीअंती सदरचा नमुना अप्रामाणित आढळुन आला होता. त्यामुळे जिल्हा अधिक्षक कृषी अधिकारी सिंधुदुर्ग यांच्या आदेशानुसार खतनिरिक्षक त्र्यंबके यांनी उत्पादक  वर्धमान फर्टिलायझर्स ॲन्ड सिड्स प्रा. लि.  यांचे मार्केटिंग मॅनेजर राजेश स्वामी आणि वेंगुर्ला तालुका खरेदि विक्री संघाचे व्‍यवस्थापक हनुमान वराडकर यांच्याविरुध्द खत ‍ नियंत्रण आदेश 1985 चे कलम 3 सह अत्यावश्यक वस्तु अधिनियम 1955 चे कलम 7 (1) (a) (ii)  अन्वये मुख्य न्यायदंडाधिकारी सिंधुदुर्ग ओरोस यांचे न्यायालयात फिर्याद दाखल केली होती.

या केसची सुनावणी मे. मुख्य न्यायदंडाधिकारी सिंधुदुर्ग ओरोसचे ए. ए. चेंडके यांच्यासमोर पूर्ण झाली. आरोपींतर्फे न्यायालयासमोर कृषी निरिक्षक यांच्या कार्यपध्दतीतील त्रृटी निदर्षणास आणुन देण्यात आल्या. सुणावणीअंती आरोपींतर्फे केलेला युक्तीवाद ग्राह्य मानुन दोनही आरोपींची निर्दोष मुक्तता करण्यात आली.