पाकिस्तानच्या उत्तरेकडील मियांवली येथील पाकिस्तानी हवाई दलाच्या प्रशिक्षिण हवाई तळावर शनिवारी पहाटे दहशतवाद्यांनी मोठा हल्ला घडवून आणला. हा आत्मघातकी हल्ला असल्याचे स्पष्ट झालं आहे. या हल्ल्याचे अनेक व्हिडिओ सोशल मीडियावर शेअर करण्यात आले आहेत. पाकिस्तानी लष्कराचा हवाला देत हल्ल्याला प्रत्युत्तर देताना तीन हल्लेखोर ठार झाल्याचे वृत्त रॉयटर्सने दिले आहे. तीन हल्लेखोर अजूनही तळाच्या आत सक्रिय असल्याचेही वृत्तात म्हटलं आहे.