येतुरे : चार भिंतींच्या आत कोंडान अभ्यास करन्यापरीस एक दिवस ह्या सगळा टाळून रानावनात भटकान रानातल्यो गजाली, झाडा-झुडपावांगडा,पक्षी, प्राणी, येली ह्यांच्याशी गुजगोष्टी करीत अनेक अनुभवांची शिदोरी मिळयन्यासाठी रानातली शाळा ह्यो उपक्रम राबयलो जाता. येंगुर्ल्यातल्या येतुरे हायस्कूलच्या पाचवी ते दहावीच्या पोरांनी मास्तर आनी कर्मचाऱ्यांबरोबर रानातल्या जेवनाच्या कार्यक्रमातसून रानातल्या शाळेचो मनमुराद आनंद लुटलो.
राठी शाळेच्या विद्यार्थ्यांच्या मनात सामाजिक एकोपो निर्माण होवक व्हयो, जातिभेदाची भावना नायशी होवक व्हयी, तसाच मास्तर आनी विद्यार्थ्यांत ऋणानुबंध निर्माण होवक व्हयेत, अशाकरता बरेच उपक्रम शाळेत राबयले जातत. त्यातलोच एक उपक्रम हुनजे रानातला जेवाण.
येतुरे पालकरवाडीचे प्रगतशील शेतकरी अनंत बाबाजी येरम यांच्या आंब्याच्या बागेत जावन येगयेगळ्या प्रकारची झाडा, कीटक, प्राणी, तसाच शेती करणाऱ्यासाठी लागणारी हरएक यंत्रांची पाहणी आनी म्हायती घेतली. चार भिंतींच्या आत कोंडान अभ्यास करन्यापरीस एक दिवस ह्या सगळा टाळून रानावनात भटकान पोरांनी मजा मारल्यानी. क्रिकेट, हॉलीबॉल, कबड्डी, खो-खो अशे खेळ खेळान झाल्यार खय आंब्याच्या, काजीच्या झाडाक पोरांनी गळ घेवन द्वांपाराक जेवणार आडवो हात फिरवन दिवस आनंदात घालयल्यानी. रानातल्या जेयण्याच्या कार्यक्रमात मास्तरय खुशीत होते. मातर दुसरे दिसा पासून पोरांका अभ्यासारय लक्ष देवक व्हयो असा सांगाकय इसराक नाय. रानातल्या जेवणाच्या कार्यक्रमात येतुरे हायस्कूलच्या पाचवी ते दहावीपर्यंतच्या तिनेशे इस पोरांनी सहभाग घेतलेलो.
