सावंतवाडी : कै.लक्ष्मीबाई मुरारी माधव आदर्श पुरस्कार प्राप्त विद्यालय भटवाडी जि.प.शाळा नं. 6  येथे भाजप युवा प्रदेश उपाध्यक्ष विशाल परब यांच्या माध्यमातून भाजपच्यावतीने शाळेतील मुलांना शैक्षणिक साहित्य दप्तर व वह्या वाटप करण्यात आले.         

यावेळी भाजप तालुका उपाध्यक्ष दिलीप भालेकर म्हणाले, सामाजिक क्षेत्रात काम करणाऱ्या विशाल परब यांच्यासारख्या दातृत्ववान व्यक्तींकडून आपल्या शाळेला शैक्षणिक साहित्य देण्यात आले. त्याबद्दल त्यांचे शाळेच्यावतीने खूप आभार तसेच मुलांनी उत्तम असे अध्ययन करून आपल्या शाळेचे नाव उज्वल करावे आणि भविष्यात यूपीएससी, एमपीएससी तसेच उच्च शिक्षण घेऊन आपल्या आवडीच्या क्षेत्रात करिअर करावे. आपल्या आई-वडिलांसोबत आपल्या शाळेचे व गुरुवर्यांचे नाव उज्वल करावे. विशाल परब यांच्यासारखे दातृत्ववान व्यक्ती आपल्या मदतीसाठी सदैव पाठीशी असतील असे प्रतिपादन केले. 

यावेळी माजी नगरसेवक राजू बेग, भाजप मंडल शहराध्यक्ष अजय गोंदावळे, माजी आरोग्य सभापती सुधीर आडीवडेकर, माजी नगरसेविका दिपाली भालेकर, भाजप तालुका उपाध्यक्ष दिलीप भालेकर, भाजप सोशल मीडिया प्रमुख केतन आजगावकर, प्रभाग अध्यक्ष रवी नाईक, शक्ती केंद्रप्रमुख गोटया म्हापसेकर,अमित गवंडळकर नागेश जगताप, शाळेचे मुख्याध्यापक केशव जाधव, शिक्षिका सायली लांबर, शाळा व्यवस्थापन अध्यक्षा समीक्षा खोचरे, उपाध्यक्ष पूनम तुयेकर आदी मान्यवर उपस्थित होते.