पणजी : व्हॅरेनियम क्लाउड लिमिटेडच्या एज डेटा सेंटरचा शुभारंभ मॅनेजिंग डायरेक्टर हर्षवर्धन साबळे यांच्या प्रमुख उपस्थितीत झाला. या डेटा सेंटर मुळे गावे, छोटी शहरे जगाशी जोडली जाणार आहेत. हायड्रा या ब्रँड नावाने हे डेटा सेंटर ओळखले जाणार आहे.   यावेळी व्हारेनियमचे चीफ फायनान्शिअल ऑफिसर मुकुंदन राघवन,  प्रोजेक्ट हेड विनायक जाधव आणि ऍडमिन संदीप नाटलेकर हे उपस्थित होते.  श्री जाधव व श्री नाटलेकर यांच्या हस्ते फीत कापून डाटा सेंटरचे उद्घाटन झालं. 

  व्हॅरेनियम क्लाउड लिमिटेड या भारतीय डिजिटल तंत्रज्ञान कंपनीने डिझाइन केलेले एज डेटा सेंटर गोव्यात पणजी येथे सुरु झाले आहे. हे केंद्र त्यांच्या हायड्रा ब्रँड अंतर्गत सुरू केले जाणार आहे. लहान शहरे आणि विखुरलेल्या ठिकाणी सेवा देणे हा यामागचा उद्देश आहे. हे एज डेटा सेंटर उपकरणांमधील परस्पर संबंध आणि डेटा सामायिकरणाची प्रक्रिया अखंडपणे बनविण्याच्या उद्देशाने उभारण्यात आले आहे. यात वेळेचीही बचत होणार आहे. या प्रणालींमधील माहिती नंतर एका मोठ्या डेटा सेंटरमध्ये एकत्रित केली जाते ज्यामुळे केंद्रीकृत प्रक्रिया आणि एक विस्तृत संसाधन आधार मिळू शकण्यास मदत होणार आहे. 

याबाबत माहिती देताना व्हारेनियमचे चीफ फायनान्शिअल ऑफिसर मुकुंदन राघवन म्हणाले  कि, हा डेटा सेंटर डेट एज कॉम्प्युटर डेटा सेंटर आहे. यामध्ये छोटी शहर आहेत गाव आहेत त्यांना जगाशी जोडले जाणार आहे. बँड विथ वगैरे सर्व गोष्टी या डेटा सेंटरमध्ये कव्हर होणार आहे. या सेंटर द्वारे  जास्तीत जास्त लोकांना सेवा देणार आहोत. ऍडमिशन सेंटर एज्युकेशन सेंटर, हेल्थ मॅनेजमेंट सिस्टीम, सप्लाय मॅनेजमेंट, सिस्टीम फायनान्शियल मॅनेजमेंट यामध्ये आम्ही पुढे जाऊन सेवा पुरवणार आहोत. हाच उद्देश ठेवून हा डेटा सेंटर आम्ही पणजी मध्ये सुरू करतोय.  पणजी मध्ये टूरिस्ट येतात, इंडस्ट्रियल एरिया आहे, बिजनेस आहे  यासाठी या डेटा सेंटरचा उपयोग होणार आहे. त्यामुळे वेळेची देखील बचत होणार आहे.  गावातल्या लोकांना तसेच  छोट्या शहरातल्या लोकांना याचा फायदा होणार आहे या लोकांना जास्तीत जास्त चांगल्या प्रकारे सेवा देण्याची सुरुवात या  डेटा सेंटर द्वारे झालेली आहे, असे श्री मुकुंदन राघवन यांनी सांगितले. 

     या केंद्रांची अफाट क्षमता लक्षात घेता, हे केंद्र  संगणकीय आणि डेटा शेअरिंगचे भविष्य मानले जात आहे.  विशेषतः, भारतात 5G च्या रोलआउटसह, Edge Computing ही काळाची गरज बनली आहे, कारण ते 5G ला त्याची लेटन्सी आणि बँडविड्थ आश्वासने पूर्ण करण्यास यामुळे मदत होणार आहे.  व्हॅरेनियम क्लाउड लिमिटेड, या प्रक्षेपणासह, या बँडवॅगनवर उतरणार असून  मार्च २०२३ पर्यंत कुडाळ आणि मुंबई येथे आणखी दोन ईडीसी सुरू करण्याची कंपनीची योजना आहे.

    व्हॅरनियम क्लाउड लिमिटेडचे ​​व्यवस्थापकीय संचालक हर्षवर्धन साबळे म्हणाले, व्हॅरेनियम क्लाउड लिमिटेडचे ध्येय #nextbillion साठी phy-gital इकोसिस्टम तयार करणे आहे. समोरील आव्हाने ओळखून न्याय्य विकासाला चालना देण्याचे आमचे ध्येय आहे. गैर-शहरी समुदायांद्वारे आणि त्यांना डिजिटल सोल्यूशन्सद्वारे संबोधित करणे महत्वाचे आहे.  यामुळे शहरी आणि गैर-शहरी लोकसंख्येमधील स्पष्ट अंतर कमी होईल आणि  लोकांना मुख्य प्रवाहात प्रवेश करण्याची संधी मिळेल. एज डेटा सेंटरचा शुभारंभ हा असाच एक प्रयत्न आहे.  अधिक टिकाऊ आणि प्रवेशयोग्य इकोसिस्टम तयार करण्यावर आमचा भर असल्याचे श्री. साबळे यांनी सांगतिले. यावेळी विविध क्षेत्राला मान्यवर उपस्थित होते. यांनी या डेटा सेंटरसाठी शुभेच्छा दिल्या.