कणकवली : एकीकडे गुरुवारी सकाळपासून कणकवली शहर आणि परिसर उन्हामध्ये तापत असतानाच दुपारी ३ वाजण्याच्या सुमारास अवकाळी पाऊस सुरू झाला. विशेष म्हणजे पावसासोबत गारा देखील बरसू लागल्या.
गुरुवारी सकाळपासूनच वातावरणामध्ये उष्णता जाणवत होती. दुपारच्या सुमारास रणरणते ऊनही होते. दुपारी ३ वाजण्याच्या सुमारास ढगांचा काहीसा गडगडात होऊ लागला. अखेरीस ३ वाजण्याच्या सुमारास अवकाळी पावसाला सुरुवात झाली. पावसासोबत गारा सुद्धा पडू लागले. साहजिकच दिवसभराच्या उष्ण वातावरणानंतर नागरिकांना काहीसा गारवा अनुभवायला मिळालाय.
