सिंधुदुर्गनगरी : राज्‍य सरकारी, निमसरकारी, जिल्‍हा परिषद कर्मचारी शिक्षक शिक्षकेतर नगरपालिका / नगरपरिषद कर्मचारी समन्‍वय समिती जिल्‍हा शाखा सिंधुदुर्ग,सर्व अधिकारी व कर्मचारी यांच्‍या जिव्‍हाळयाच्‍या मागणीसाठी सिंधुदुर्ग जिल्‍हामधील सर्व कर्मचारी यांचे जिल्‍हाधिकारी कार्यालय सिंधुदुर्ग सिंधुदुर्गनगरी येथे “ धरणे सत्‍याग्रह ” सुरू. यामध्‍ये जिल्‍हयामधील सर्व राज्‍य सरकारी, निमसरकारी, शिक्षक शिक्षकेत्‍तर कर्मचारी, आरोग्‍य कर्मचारी, महसुल , तलाठी, ग्रामसेवक, कृषी, जि.प.कर्मचारी, भुमि अभिलेख यासह सर्व विभागामधील कर्मचारी सहभागी झाले आहेत .महसुल कर्मचारी संघटना अध्‍यक्ष व समन्‍वय समिती सरचिटणीस श्री.सत्‍यवान माळवे यांनच्या सह पदाधिकारी आणि कर्मचारी उपस्थित.

कर्मचाऱ्यांच्या मागण्या 

 आठव्‍या वेतन आयोगाची स्‍थापना करणेसाठी केंद्र शासनाकडे आग्रह धरणे,

 सुधारित राष्‍ट्रीय निवृत्‍तीवेतन योजनेची अंमलबजावणी करण्‍याबाबतचे विस्‍तृत परिपत्रक तात्‍काळ जारी करणे.

 PFRDA कायदा रद्द करुन फंड मॅनेजरकडे संचित झालेली रक्‍कम संबंधीत राज्‍य सरकारला परत करणे.

 तसेच ईपीएस 95 नुसार सर्व वर्गणीदारांना परिभाषित पेन्‍शन योजना लागु करणे.

 नवीन राष्‍ट्रीय शिक्षण धोरण रद्द करणे.

 नवीन 3 क्रिमीनल कायदे रद्द करणेसरकारी कर्मचारी कर्तव्‍य बजावत असताना होणारे भ्‍याड व हिंसक हल्‍ल्‍याविरुध्‍द कडक कारवाई व्‍हावी यासाठी पुर्वीचा IPC कलम 353 मध्‍ये दुरुस्‍ती करुन कलम 353 अजामीनपात्र करणे.

 कंत्राटी, रोजंदारी, अंशकालीन कर्मचा-यांच्‍या सेवा नियमीतकरा यासह इतरही मागण्‍यासांठी सर्व कर्मचारी शिक्षकांनी हजारोंच्‍या संख्‍येने या 2 तास “धरणे सत्‍याग्रह” आंदोलनात सहभागी होवुन आपला रास्‍त असंतोष व्‍यक्‍त करावा. यासाठी कर्मचारी यांचे वतीने निवेदन निवासी उपजिल्‍हाधिकारी श्री.मच्छिंद्र सुकटे यांना देण्‍यात आले यावेळी श्री.सत्‍यवान माळवे, महसुल कर्मचारी संघटना अध्‍यक्ष व समन्‍वय समिती सरचिटणीस, राजन कोरगावकर अध्‍यक्ष, रा.स.कर्मचारी समन्‍वय समिती अध्‍यक्ष, श्री.सखाराम सपकाळ, कोकण विभाग सहसचिव, श्री.सचिन माने सहसचिव,श्री.शाम लाखे कोषाध्‍यक्ष, आदी संघटनांचे पदाधिकारी उपस्थित आहेत.