सिंधुदुर्ग : १५ व्या राज्यस्तरीय रोल बॉल स्पर्धेसाठी सिंधुदुर्ग जिल्ह्याचा ११ वर्षाखालील मुलांचा संघ रवाना झाला आहे. १६ आणि १७ ऑगस्ट रोजी होणाऱ्या या स्पर्धेत सहभागी होण्यासाठी हे खेळाडू खेळणार आहेत. माजी शिक्षणमंत्री तथा आमदार दीपकभाई केसरकर यांनी खास उपस्थित राहत या संघाला शुभेच्छा दिल्या.
यावेळी बोलताना, श्री. केसरकर यांनी खेळाडूंचा उत्साह वाढवला आणि त्यांना उत्तम कामगिरीसाठी प्रोत्साहित केले. त्यांनी संघातील प्रत्येक खेळाडूला पुढील वाटचालीस शुभेच्छा दिल्या. त्यांच्या उपस्थितीमुळे खेळाडू आणि प्रशिक्षकांमध्ये एक नवा आत्मविश्वास निर्माण झाला आहे. हा संघ सिंधुदुर्ग जिल्ह्याचे प्रतिनिधित्व करणार असून, त्यांच्या कामगिरीकडे सर्वांचे लक्ष लागलेले आहे. खेळाडूंच्या यशस्वी कामगिरीसाठी आता शुभेच्छांचा वर्षाव होत आहे. या संघाला प्रशिक्षक म्हणून सागर सुरेश सावंत, शिक्षक दीपेश परब व व्यवस्थापक म्हणून नित्यानंद कोरगावकर व राजेश राऊळ लाभले आहेत.
