सावंतवाडी : मागच्या वर्षी सामाजिक बांधिलकीच्या पुढाकारातून दीपक केसरकर मित्रमंडळ पुरस्कृत इनरव्हील क्लब व रोटरी क्लब, सामाजिक बांधिलकी प्रतिष्ठान यांच्या संयुक्त विद्यमानाने सहा दिवस मनोरंजनात्मक कार्यक्रम घेऊन उत्साहात मिनी महोत्सव पार पडला. मात्र, १२ डिसेंबर उजाडला परंतु महोत्सव होण्याबाबतची चर्चा कुठेही होताना दिसत नाही.
व्यापारी वर्ग व शहरवासीयांकडून सामाजिक बांधिलकी प्रतिष्ठानला विचारणा होत आहे की यावेळी महोत्सव घेणार का? तरी याही वर्षी नव्या वर्षाच्या स्वागतासाठी व शहरवासीयांच्या आनंदोत्सवासाठी आमदार दीपक केसरकर यांनी मोठ्या दिमाखात मनोरंजनात्मक कार्यक्रमांचा महोत्सव घेऊन व्यापारी वर्ग व शहरवासीयांची इच्छा पूर्ण करावी अशी मागणी सामाजिक बांधिलकी प्रतिष्ठानच्या माध्यमातून रवी जाधव यांनी केली आहे.
