सावंतवाडी : भाजपच्या नगराध्यक्षपदाच्या उमेदवार युवराज्ञी श्रद्धाराजे भोंसले यांनी प्रभाग क्रमांक ५ मध्ये जोरदार प्रचार केला. यावेळी शहराध्यक्ष तथा उमेदवार सुधीर आडिवरेकर, दुराली रांगणेकर यांनीही डोअर टू डोअर' जात प्रचार केला. यावेळी भाजपच्या माध्यमातून जोरदार शक्तिप्रदर्शन करण्यात आले.
प्रभाग ५ सह शहरात मोठ्या प्रमाणात भाजपचे नगरसेवक निवडून येतील. नगराध्यक्ष म्हणुन युवराज्ञींना जनता विजयी करेल असा विश्वास शहराध्यक्ष सुधीर आडिवरेकर यांनी व्यक्त केला. यावेळी नगराध्यक्षपदाच्या उमेदवार युवराज्ञी श्रद्धाराजे भोंसले, उमेदवार दुलारी रांगणेकर, भाजप महिला जिल्हाध्यक्षा श्वेता कोरगावकर, संध्या तेरसे, शर्वाणी गांवकर, मिसबा शेख, केतन आजगावकर, अमेय पै, आनंद म्हापसेकर, रितेश हावळ, महेश बांदेकर, सुदेश नेवगी आदींसह भाजप पदाधिकारी, कार्यकर्ते उपस्थित होते.
