सावंतवाडी : येथील राणी पार्वती देवी हायस्कूलच्या १९८० च्या एसएससी बॅचने हायस्कूलच्या सुरक्षेसाठी हायस्कूल प्रशासनाला सीसीटीव्ही बसवण्याकरिता पन्नास हजार रुपयांचा धनादेश प्रशालेचे माजी प्राचार्य व्ही. बी.नाईक यांच्याकडे सुपूर्त केला. यावेळी शिक्षण प्रसारक मंडळाचे अध्यक्ष विकास सावंत, शाळा व्यवस्थापन समिती अध्यक्ष डॉ. दिनेश नागवेकर, प्रशालेचे मुख्याध्यापक जगदीश धोंड आदी उपस्थित होते.
यावेळी माजी विद्यार्थी उमाकांत वारंग, राजन नवार, सुरेश राऊळ, सुनील साळगावकर, परशुराम ठाकूर, सुरेश चव्हाण, राजन पिळणकर, अनिरुध्द पटवर्धन, शेखर पेडणेकर, वनिता रेडकर, सुरेखा कुडतरकर, निता कुडतरकर, वंदना कुडतरकर, उषा सावंत व तनुजा भोसले असे सर्व मिळून 15 जण उपस्थित होते. यावेळी जमलेल्या रकमेपैकी 50,000 रुपये शाळेला सीसीटीव्ही कॅमेरासाठी माजी प्राचार्य व्ही. बी. नाईक यांच्याकडे माजी विद्यार्थी तथा माजी नगरसेवक उमाकांत वारंग यांच्या हस्ते प्रदान करण्यात आले.