सावंतवाडी : शिक्षण प्रसारक मंडळ सावंतवाडी संचलित राणी पार्वती देवी हायस्कूल व ज्युनियर कॉलेजचे 'लोकगंध' वार्षिक स्नेहसंमेलन २७ व २८ डिसेंबर २०२४ रोजी संपन्न होणार आहे. शुक्रवार २७ डिसेंबर रोजी दुपारी दोन वाजता रंगावली प्रदर्शन व हस्तकला प्रदर्शनाचे उद्घाटन, शेला पागोटे कार्यक्रम, तीन वाजता विद्यार्थ्यांचे विविध गुणदर्शन कार्यक्रम होणार आहेत. शनिवार २८ डिसेंबर रोजी सकाळी दहा वाजता स्नेहसंमेलनाचे उद्घाटन व विद्यार्थ्यांचे विविध गुणदर्शन कार्यक्रम होणार आहेत. संस्थेचे अध्यक्ष विकास सावंत यांच्या अध्यक्षतेखाली होणाऱ्या स्नेहसंमेलनाचे उद्घाटन सावंतवाडी तहसीलदार श्रीधर पाटील यांच्या हस्ते होणार आहे.
तसेच संस्था उपाध्यक्ष डॉ. दिनेश नागवेकर, सचिव व्ही.बी.नाईक, खजिनदार सी.एल.नाईक, शालेय समिती अध्यक्ष अमोल सावंत यांची प्रमुख उपस्थिती राहणार आहे. यावेळी उपस्थित राहवे असे आवाहन प्राचार्य जगदीश धोंड मुख्याध्यापक, उपप्राचार्य डॉ. सुमेधा नाईक, उपमुख्याध्यापिका संप्रवी कशाळीकर, पर्यवेक्षक संजय पाटील, सांस्कृतिक विभाग प्रमुख वनिता घोरपडे, मानसी नागवेकर, जीएस भावेश सापळे, एलआर पुजा राठोड, सांस्कृतिक प्रमुख ओंकार चव्हाण, मुख्यमंत्रीशुभम वरक, विद्यार्थिनी प्रतिनिधी प्रांजली कबरे, सांस्कृतिक प्रमुख भक्ती रजपूत यांसह शिक्षण प्रसारक मंडळ सावंतवाडीचे अध्यक्ष, सर्व संचालक व शिक्षक, शिक्षकेतर कर्मचारी यांनी केले आहे.
