सावंतवाडी : प्रा. सचिन पाटकर यांना २०२४ चा युवा सिंधुदुर्ग भूषण पुरस्कार प्रदान करण्यात आला. किल्ले पर्यटन महोत्सव सेवा संशोधन केंद्र व अखिल भारतीय मराठी साहित्य परिषद सिंधुदुर्ग, यांच्या संयुक्त विद्यमाने दरवर्षी सामाजिक,शैक्षणिक आणि राजकीय क्षेत्रात उल्लेखनीय कामगिरी करणाऱ्या व्यक्तींना सन्मानित करण्यात येते. महाविद्यालयीन जीवनात श्री.पंचम खेमराज महाविद्यालय सावंतवाडी (नेवल) एन.सी.सी.च्या माध्यमातून 26 जानेवारी 2002 प्रजासत्ताक दिनी नवी दिल्ली या ठिकाणी  राजपत संचलनात सहभाग व  शिप मॉडेलिंगमध्ये सुवर्णपदक विजेते  प्रा.सचिन पाटकर हे गेली १८ वर्ष प्राध्यापक म्हणून कार्यरत असून सदस्य - कोकण जिओग्राफर असोसिएशन ऑफ इंडिया,सचिव - समर्थ पर्यटन सहकारी संस्था कुडाळ, सचिव - हितेंद्र फाउंडेशन सिंधुदुर्ग,सचिव - सावली फाउंडेशन सिंधुदुर्ग.  अध्यक्ष - इंडियन इंडस्ट्रियल को.ऑफ.सोसायटी,लि. कुडाळ, अध्यक्ष : कोकण विभाग,सोशल मीडिया फ्रंट,राष्ट्रवादी काँग्रेस पार्टी या विविध पदांवर सध्या कार्यरत असून  गेली २४ वर्ष त्यांचे जिल्ह्यातील राजकीय,शैक्षणिक व सामाजिक कार्यात मोलाचे योगदान आहे. त्यांच्या समाजकार्याची दखल घेता त्यांना युवा सिंधुदुर्ग भूषण पुरस्काराने सन्मानित करण्यात आले.