या शाळा बंद आंदोलनामुळे मुलांचं नुकसान होऊ नये म्हणून माजी विद्यार्थ्यांचा विरोधही झालेला पाहायला मिळाला. याच दरम्यान चारही वर्गखोल्यांची चावी शिक्षण प्रसारक मंडळ बांदा यांच्याकडे देण्याचे जाहीर केले आणि या निर्णयाबाबत माघारही घेण्यात आल्याच ऐकायला मिळालं.
दरम्यान, जि. प. शाळा बांदा न. १ ची मागणी आणि शाळा बंद आंदोलनाचा विचार करून दिनांक १५ /०७/२०१५ चा शिक्षण समिती सभेतील ठराव क्रमांक ३३२ हा ठराव प्रशासकीय आदेश क्रमांक ३५७ दिनांक २५ /१०/२०२३ अन्वये रद्द करण्यात येत असल्याचे सांगत जि. प. सिंधुदुर्गचे मुख्य कार्यकारी अधिकारी यांनी सेंट्रल प्रायमरी स्कूल बांदाची चार खोल्यांची इमारत ३० /१०/ २०२३ पर्यंत जिल्हा परिषद सिंधुदुर्ग यांच्या ताब्यात देण्याचे आदेश पत्रान्वये दिले आहेत. आदेशाचे पालन न झाल्यास कायदेशीर कारवाईचा इशाराही देण्यात आला आहे.
दरम्यान, हा आदेश म्हणजे शाळा व्यवस्थापन समिती व पालक, मराठी शाळा प्रेमी आणि ग्रामस्थांनी केलेल्या आंदोलनाचं यशचं म्हणाव लागेल.
