सावंतवाडी : सिंधुदुर्ग जिल्हा थाई बॉक्सिंग असोसिएशन सिंधुदुर्ग, सिलंबम (लाठी-काठी) असोसिएशन सिंधुदुर्ग, स्क्वॅश असोसिएशन सिंधुदुर्ग, नवजीवन योगा प्रशिक्षण संस्था सिंधुदुर्ग व सिंधुदुर्ग सैनिक स्कूल आंबोली यांच्या संयुक्त विद्यमाने आंबोली सैनिक स्कूल येथे राज्यस्तरीय कराटे व योगा प्रशिक्षण शिबिराचे आयोजन करण्यात आले. शिबिराचे उद्घाटन माजी खासदार ब्रिगे. सुधीर सावंत यांच्या हस्ते करण्यात आले. ब्रिगे. सुधीर सावंत ट्रेकिंग उपक्रमामध्ये सहभागी झाले व प्रशिक्षणार्थींना इंडियन आर्मी मधील विविध गोष्टींबद्दल मार्गदर्शन केले.
सदर शिबिरामध्ये महाराष्ट्राच्या विविध भागातून प्रशिक्षणार्थींनी सहभाग घेतला. शिबिरामध्ये कराटे, आर्मी ड्रिल ट्रेनिंग, ऑप्टॅकल ट्रेनिंग , कर्व मागा (इजरायली मार्शल आर्ट् ), थाई बॉक्सिंग, ज्युडो, अकिदो, बॉक्सिग, स्क्वॅश, सिलंबम (लाठी-काठी) इत्यादी उपक्रम राबवले गेले. विशेष उपक्रमांमध्ये जंगल सफर, स्टेज डेअरिंग, रायफल शूटिंग , ट्रेकिंग, कॅम्प फायर नाईट इत्यादी उपक्रम राबविण्यात आले. ब्रिगे. सुधीर सावंत यांच्या मार्गदर्शनाखाली शिबिराचे आयोजन लेफ्टनंट विवेक राणे यांनी केले. "बेस्ट स्टुडन्ट ऑफ द कॅम्प" हा अवॉर्ड कुडाळ येथील विद्यार्थिनी कु. अवनी ठाकूर हिला मिळाला.
सदर शिबिरातील प्रशिक्षणार्थींना सिंधुदुर्ग डिस्ट्रिक्ट एक्स सर्विसमन असोसिएशनचे सेक्रेटरी श्री. सुनील राऊळ, संस्थेचे संचालक श्री. जॉय डांन्टस व ऑफिस सेक्रेटरी श्री. दीपक राऊळ यांनी भविष्यातील पुढील वाटचालीसाठी शुभेच्छा दिल्या. प्रशिक्षणार्थींना प्रशिक्षक लेफ्टनंट विवेक राणे ( 3 डिग्री ब्लॅक बेल्ट) , मृणाल मलये (ब्लॅक बेल्ट), चित्राक्षा मुळये (ब्लॅक बेल्ट), कर्व मागा (इजरायली मार्शल आर्ट) प्रशिक्षक श्री. अनुराग राणे, कु . निर्जला कदम व राष्ट्रीय दर्जाच्या योग प्रशिक्षिक श्रीम . सुनिता राणे मॅडम व राहुल राणे यांचे मार्गदर्शन लाभले.
