सावंतवाडी : दोडामार्ग तालुक्यात अर्चना फाऊंडेशनच्यावतीने शालेय विद्यार्थीनींसाठी खास स्व - संरक्षण प्रशिक्षण शिबिराचे आयोजन करण्यात आले. या शिबिरात एम. आर. नाईक विद्यालय, कोनाळकट्टा, किर्ती विद्यालय, घोडगेवाडी, माध्यमिक विद्यालय, सोनावल येथील विद्यार्थिनींनी सहभाग घेतला. सावंतवाडी येथील "सिंधू सावलीन मार्शल आर्ट" चे दिनेश जाधव यांनी आपले सहकारी तेजस दळवी, प्रथमेश राठोड, प्रतिक्षा गावडे यांच्यासह स्व-संरक्षणाचे प्रात्यक्षिक सादर करत उपस्थित विद्यार्थिनींना मार्गदर्शन केले.
अर्चना फाऊंडेशनच्यावतीने अर्चना घारे-परब यांनी त्यासाठी त्यांचे आभार व्यक्त केले. तसेच बदलत्या काळानुसार मुलींनी स्वतःच्या रक्षणासाठी सदैव सक्षम व तत्पर असले पाहिजे अशी भावना व्यक्त केली. यावेळी दोडामार्ग राष्ट्रवादी तालुकाध्यक्ष प्रदीप चांदेलकर, महिला शहराध्यक्ष ममता नाईक, सावंतवाडी विधानसभा मतदारसंघ युवक अध्यक्ष विवेक गवस, आनंद तुळसकर, मुख्याध्यापक विश्वनाथ सावंत सर, एस. ए. कांबळे सर व इतर सर्व शिक्षक उपस्थित होते.
