
कुडाळ : झाराप सरपंच, उपसरपंच ग्रामपंचायत सदस्य यांचा शेकडो कार्यकर्त्यांसहीत भारतीय जनता पार्टीत प्रवेश तुम्ही ज्या विश्वासाने भाजपामध्ये प्रवेश केला आहे त्या विश्वासाला आम्ही तडा जाऊ देणार नाही असे भाजपचे कुडाळ मालवण विधानसभा प्रभारी निलेश राणे यांनी यावेळी आश्वासन दिले. झाराप ग्रामपंचायतीचे सरपंच सौ दक्षता मेस्त्री, उपसरपंच मंगेश परब, ग्रामपंचायत सदस्य अनंत मयेकर, अमोल तेली यांच्यासहित शेकडो ग्रामस्थांनी मोठ्या प्रमाणावर उद्धव बाळासाहेब ठाकरे गटाच्या शिवसेनेतून भाजपमध्ये कुडाळ मालवण विधानसभा प्रभारी निलेश राणे यांच्या नेतृत्वाखाली प्रवेश केला.
ग्रामपंचायतच्या सरपंच उपसरपंच व सदस्य तसेच ग्रामस्थांनी उद्धव बाळासाहेब ठाकरे गटाच्या शिवसेनेतून भाजपमध्ये प्रवेश केला. या प्रवेशावेळी प्रदेश सदस्य दत्ता सामंत, जिल्हा सरचिटणीस रणजीत देसाई, चिटणीस विनायक राणे, माजी नगरसेवक पाटकर, कुडाळ मंडल अध्यक्ष संजय वेंगुर्लेकर, ओरोस मंडल अध्यक्ष दादा साईल, खरेदी विक्री संघ अध्यक्ष दीपक नारकर, माजी सभापती मोहन सावंत माजी पंचायत समिती सदस्य स्वप्ना वारंग, पप्या तवटे, नगरसेवक अभी गावडे आदी उपस्थित होते या कार्यक्रमाचे सूत्रसंचालन रुपेश कानडे यांनी केले.