सावडाव धबधब्याची खा. नारायण राणेंनाही भुरळ

सावडाव परिसरात केलेल्या सुशोभिकरणाचे लोकार्पण
Edited by: स्वप्नील वरवडेकर
Published on: August 16, 2025 16:16 PM
views 316  views

कणकवली : सिंधुदुर्ग जिल्हा पर्यटन जिल्हा आहे. पर्यटकांसाठी आकर्षित करणारा सावडाव धबधबा आहे. नैसर्गिक ठिकाणे कशी टिकवता येतील असे आपले प्रयत्न आहेत. निसर्गसौंदर्य जपत पर्यटनाला नवे आकर्षण देणारा सावडाव धबधबा मोहकतेत भर घालणार आहे. यामुळे सावडाव धबधबा परिसराचे नवे रूप इथे येणाºया पर्यटकाला मोहित करून पर्यटनाचा ओघ वाढण्यास मदत करेल, असा विश्वास खासदार नारायण राणे यांनी व्यक्त केला.

निसर्गरम्य सावडाव धबधबा परिसरात केलेल्या सुशोभीकरणाचे लोकार्पण स्वातंत्र्य दिनाचे औचित्यसाधून माजी केंद्रीय मंत्री तथा रत्नागिरी- सिंधुदुर्ग विद्यमान खासदार नारायण राणे याच्या हस्ते करण्यात आले. या प्रसंगी खा. राणे बोलत होते. यावेळी मत्स्य व्यवसाय व बंदरे विकासमंत्री तथा पालकमंत्री नितेश राणे, जिल्हाधिकारी अनिल पाटील, प्रातांधिकारी जगदिश कातकर, तहसीलदार दीक्षांत देशपांडे, सार्वजनिक बांधकाम कार्यकारी अभियंता वीणा पुजारी,उपविभागीय अभियंता कमिलिनी प्रभू, कनिष्ठ अभियंता संजीवनी थोरात, विस्तार अधिकारी सूर्यकांत वारंग, सावडाव सरपंच आर्या वारंग, उपसरपंच दत्ता काटे, ग्रामपंचायत अधिकारी मधुरा भुजबळ, पोलीस पाटील अकुंश वारंग, भाजपचे तालुकाध्यक्ष मिलिंद मेस्त्री,उपतालुकाध्यक्ष संदीप सावंत,ओटव सरपंच रूहिता तांबे, शक्ती केंद्रप्रमुख राजू हिर्लेकर, व्यंकटेश वारंग, हेमंत परुळेकर आदी उपस्थित होते.

खा. राणे यांच्या हस्ते सावडाव धबधब्यावर जाणाºया स्वागत कमानीवरील फीत कापून व फलकाचे अनावरण करून लोकार्पण करण्यात आले. यानतंर सावडाव धबधब्याची स्वागत कमानीतून खा. नारायण राणे व पालकमंत्री नितेश राणे याच्यासह अधिकारी,ग्रामस्थ यानी प्रवेश करत पाहणी करून कामाचे कौतुक केले. पर्यटकांना अधिकाधिक सोयी व अजून काय करता येईल याबाबत खा.राणे यानी पालकमंत्र्यांसह अधिकारी वर्गाशी चर्चा करत निसर्ग सौंदर्य राखून सावडाव धबधब्याच्या सार्वागीन विकास  करण्यासाठी विविध सूचना दिल्या. यावेळेस उपस्थित सर्व मान्यवरांचे सार्वजनिक बांधकाम विभाग व ग्रामस्थांकडून शाल श्रीफळासह पुष्पगुच्छ देऊन सत्कार व स्वागत करण्यात आला. दहावीत एस.एम.हायस्कूल कणकवली येथे सावडावची केतकी दत्ताराम काटे हिने ९७ टक्के गुण मिळवून प्रथम क्रमांक प्राप्त केल्याबद्दल मान्यवरांच्या हस्ते सत्कार करण्यात आला. सूत्रसंचलन निलेश कदम यांनी केले.  या कार्यक्रमाला सार्वजनिक बांधकाम विभाग,पंचायत समिती, महसूल विभाग अधिकारी व कर्मचारीवर्गासह सावडाव दशक्रोशीतील ग्रामस्थ व पर्यटन मोठ्या संख्येने उपस्थित होते.

सावडाव धबधबा बारमाही : खा.नारायण राणे 

सावडाव धबधब्याच्या सुशोभिकरणाचे काम पाहून खा. राणे यानी पालकमंत्री नितेश राणे व जिल्हाधिकारी याचे कौतुक करत पत्रकारांनी विचारलेल्या प्रश्नावर उत्तर देताना पावसाळ्यानंतरही धबधबा सुरू राहावा यासाठी धरणाचे काम सुरू आहे. हे पूर्ण झाल्यानंतर चार महिने चालणारा सावडाव धबधबा पर्यटकांना बारमाही पर्यटन सुरू होणार असल्याचे सांगितले.