सावंतवाडी : शिष्यवृत्ती परीक्षा 2024 -25 मध्ये सिंधुदुर्ग जिल्हा शिक्षण प्रसारक मंडळ संचलित मदर क्वीन्स इंग्लिश स्कूल सावंतवाडीच्या विद्यार्थ्यांनी प्रतिवर्षीप्रमाणे शिष्यवृत्ती पटकावत उज्वल यशाची परंपरा कायम राखली. उच्च प्राथमिक शिष्यवृत्ती परीक्षेत (इयत्ता पाचवी) प्रशालेचे तेरा विद्यार्थी उत्तीर्ण झाले असून शहरी सर्वसाधारण गटातून कु.सारा सुहेल नाईक हिने तालुक्यातून दुसरा व जिल्ह्यातून 19 वा क्रमांक पटकावत शिष्यवृत्ती संपादित केली.

तर पूर्व माध्यमिक शिष्यवृत्ती परीक्षेत (इयत्ता आठवी) प्रशालेचे आठ विद्यार्थी उत्तीर्ण झाले असून शहरी सर्वसाधारण गटातून कु विभव विरेश राऊळ याने तालुक्यातून दुसरा व जिल्ह्यातून तिसरा क्रमांक पटकावत उत्तुंग यश संपादित केले. तसेच कु. मानसी परमेश्वर सावळे हिने तालुक्यातून 12 वा व जिल्ह्यातून 34 वा क्रमांक पटकावला व कु.राधिका विश्वास सोनाळकर हिने तालुक्यातून 16वा व जिल्ह्यातून 49 वा क्रमांक पटकावत शिष्यवृत्ती मिळवली. या विद्यार्थ्यांना मुख्याध्यापिका अनुजा साळगावकर, प्रेरणा भोसले, फरजाना मुल्ला, योगेश चव्हाण, गोविंद प्रभू, लविना आल्मेडा, प्रणिता मयेकर या शिक्षकांचे अनमोल मार्गदर्शन लाभले.

सर्व यशस्वी विद्यार्थ्यांचे सिंधुदुर्ग जिल्हा शिक्षण प्रसारक मंडळाचे अध्यक्ष श्रीमंत राजेसाहेब खेमसावंत भोंसले, चेअरमन श्रीमंत राणीसाहेब शुभदादेवी खेमसावंत भोंसले,कार्यकारी विश्वस्त श्रीमंत लखमराजे भोंसले, विश्वस्त युवराज्ञी श्रद्धाराजे  भोंसले व मंडळाचे संचालक दिलीप देसाई, मंडळाचे सहाय्यक संचालक  ॲड. शामराव सावंत, मंडळाचे सदस्य जयप्रकाश सावंत,  डॉ.सतीश सावंत, मुख्याध्यापिका अनुजा साळगावकर तसेच प्रशालेचे शिक्षक, शिक्षकेतर कर्मचारी यांनी अभिनंदन केले व पुढील वाटचालीस शुभेच्छा दिल्या.