मालवण : भारत देश हा तरुणांचा देश म्हणून ओळखला जातो. अनेक क्षेत्रात आज तरुणांनी आपले कर्तृत्व सिद्ध केले आहे. सिंधुदुर्ग जिल्ह्याचा विचार करता जिल्ह्याचे पालकमंत्री नितेश राणे यांनी ऐन तारुण्यात आपले नेतृत्व राज्य पातळी पर्यंत सिद्ध केले आहे. त्यांच्याच मार्गदर्शनाखाली मालवण नगरपालिकेच्या सार्वत्रिक निवडणुकीत भाजपने नव्या जुन्यांचा योग्य ताळमेळ साधत काही ठिकाणी सामाजिक कार्यात अग्रेसर असलेल्या युवा उमेदवारांना संधी दिली आहे. पालिकेच्या प्रभाग २ मध्ये भाजप युवा मोर्चाचे शहर अध्यक्ष ललित चव्हाण व सौ. अमृता अनिकेत फाटक या अशाच युवा उमेदवारांना भाजपने संधी दिली आहे. दोघांनीही प्रचारात आघाडी घेतली असून पंतप्रधान नरेंद्र मोदी व मुख्यमंत्री देवेंद्र फडणवीस यांच्या नेतृत्वाखाली भाजपच्या माध्यमातून होणारा सर्वांगीण विकास याची माहिती मतदारांना देत प्रभागाच्या सर्वांगीण विकासासाठी भाजपच का पाहिजे, हे पटवून दिले आहे. भाजपच्या या स्वच्छ व कर्तृत्ववान चेहऱ्यांना मतदारांकडून वाढता प्रतिसाद मिळत असून प्रभाग क्र. २ मधून मोठ्या मताधिक्याने विजयी होत मतदारांच्या आशीर्वादाने पक्षश्रेष्ठींचा विश्वास नक्कीच सार्थकी लावू, असा विश्वास ललित चव्हाण व अमृता फाटक यांनी व्यक्त केला आहे.
तौक्ते वादळ आणि कोराना महामारीमध्ये सर्वसामान्य जनता संकटात असताना आपल्या जीवाची पर्वा न करता दिवस-रात्र यांच्या सेवेसाठी सदैव सक्रिय राहून लोकांना सर्वतोपरी मदतकार्य करणारा युवा चेहरा म्हणून भाजपचे युवा नेतृत्व व भाजप युवा मोर्चाचे शहर अध्यक्ष ललित हरी चव्हाण यांची ओळख आहे. लहान वयात त्यांनी केलेल्या सामाजिक कार्याची दखल घेत भाजपने प्रभाग २ मधून त्यांना नगरपालिकेच्या रिंगणात उतरवले आहे.ल शहरातील सर्वात तरुण उमेदवार म्हणून त्याच्याकडे पाहिले जात आहे. कॉलेज जीवनामध्येही समाजकार्याची आवड असल्याने आणि घरामध्येच भाजप व संघ विचारांचा दांडगा अनुभव असल्याने ललित याने भाजप युवा संघटनेमध्ये काम करत आपली वेगळी ओळख प्रभागात निर्माण केली आहे.
ललित याच्यासोबत युवा महिला चेहरा म्हणून अमृता अनिकेत फाटक याही भाजपकडून कमळ या निशाणीवर रिंगणात आहे. फाटक कुटुंबीय सुसंस्कृत आणि सर्वांमध्ये मिळून मिसळून वागणारे म्हणून ओळखले जात आहे. सौ. अमृता याही आपल्या कुटुंबियांची ओळख कायम ठेवत समाज कार्यातून लोकसेवक होण्यासाठी सज्ज झाल्या आहेत. त्यांचे पती आंबा उद्योजक अनिकेत फाटक हे नेहमीच जनतेच्या संपर्कात असतात. अनेक सामाजिक कार्यात कोणताही बडेजाव मोठेपणा न करता अनिकेत फाटक सहभागी होऊन आपले योगदान देतात. त्यांचा फायदा अमृता फाटक, ललित चव्हाण व नगराध्यक्षा उमेदवार शिल्पा खोत यांना निश्चित होईल, असा विश्वास व्यक्त केला जात आहे.
ललित चव्हाण यांनी गेल्या काही वर्षात आपल्या प्रभागातील समस्या जाणून घेवून वीज, रस्ते, पाणी यासाठी भाजप पक्षाच्या मदतीने मार्गी लावल्या. तसेच गरजूना वैद्यकीय आणि शैक्षणिक मदत देताना शासकीय पातळीवरील योजनांचा लाभ ही या प्रभागातील जनतेला मिळून देण्याचे काम करत आहे. त्यामुळे सर्वसामान्यांसाठी झटणारा युवा कार्यकर्ता म्हणून ललित चव्हाण यांची ओळख निर्माण झाली. नगरसेवक नसताना सतत जनतेच्या संपर्कात राहून जनतेची सेवा करणारा शांत, संयमी, उच्चशिक्षित आणि जबादारीचे भान ठेवून अविरतपणे काम करणाऱ्या ललित हरी चव्हाण यांच्याबद्दल जनतेमध्ये विश्वास आणि आदर निर्माण झाल्याने आज जनतेचा मोठा पाठिंबा त्याला मिळत आहे. आधारकार्ड, कामगार कल्याणकार्ड, आयुष्मान भारत कार्ड अशा सुविधा सर्वसामान्यांपर्यंत पोहचवून त्यांचा लाभ गरजू जनतेला उपलब्ध करून देण्यात ललित चव्हाण याचा मोठा वाटा आहे. वडील कामगार नेते हरी चव्हाण यांच्या मार्फत घरेलू व बांधकाम कामगारांना अनेक योजनांचा लाभ मिळवून देण्यात देखील ललित चव्हाण अग्रेसर राहिले आहेत.
अमृता फाटक या उच्च शिक्षित उमेदवार असून त्यांचे पती अनिकेत फाटक हे प्रभागातील जनतेच्या सुखदुखात नेहमी पुढाकार घेऊन सहभागी होत असतात. प्रभागातील शैक्षणिक, सामाजिक उपक्रमात त्यांचे मोठे योगदान असते. आपण विकसित भारताचे, विकसित महाराष्ट्राचे स्वप्न पाहिले आहे. ते पूर्ण करण्यासाठी देशात पंतप्रधान नरेंद्र मोदी यांच्या आणि महाराष्ट्रात मुख्यमंत्री देवेंद्र फडणवीस यांच्या नेतृत्वाखाली सरकार स्थापन झाले. ज्या विश्वासाने देशातील, राज्यातील आणि जिल्ह्यातील जनतेने मतदान केले, आज तो विश्वास खरा ठरताना दिसत आहे. दोन्ही कार्यतत्पर नेत्यांच्या नेतृत्वात डबल इंजिन सरकार गतिमान पद्धतीने पुढे जाताना दिसत आहे. ‘सबका साथ, सबका विकास, सबका प्रयास, सबका विश्वास’ हे ब्रीद वाक्य केवळ कागदावर न राहता, प्रत्यक्ष कृतीत, प्रत्यक्ष अंमलात येत आहे. राष्ट्र नवनिर्माणच्या या प्रक्रियेत आपल्यालाअजून अनेक टप्पे गाठायचे आहेत. विकसित भारताचा संकल्प पूर्णत्वास न्यायचा आहे. यासाठी आपलं ‘मत’ अत्यंत महत्वाचं आहे. आपल्या मालवण या वैभवशाली नगरपालिकेची निवडणूक होऊ घातली आहे. आपणामुळे यापूर्वीही भारतीय जनता पक्षाला याठिकाणी संधी मिळाली. त्यातून येथील नागरिकांच्या अपेक्षा पूर्ण करण्याचा प्रामाणिक प्रयत्न केला. जनतेला दिलेली अभिवचने पूर्ण करण्याचा प्रयत्न केला. म्हणूनच मालवण हे शहर देशभरात नावारुपाला आले आहे. याच शिदोरीवर आम्ही पुन्हा एकदा निवडणुकीच्या रिंगणात उतरलो आहोत. भाजपचे नेते खासदार नारायण राणे, तसेच भाजप प्रदेशाध्यक्ष रवींद्र चव्हाण, पालकमंत्री पदाच्या कार्यकाळात जिल्ह्याला अनेक सन्मान प्राप्त करून देणारे, जनतेसाठी अहोरात्र कार्यरत असणारे कॅबिनेट मंत्री नितेश राणे हे आमचे नेते आहेत. या मान्यवरांच्या नेतृत्वात मालवण नगरपालिका निवडणूक आम्ही महिला भगिनी, युवामित्र यांच्यासह सर्वसामान्य जनतेला अपेक्षित असा सर्वांगीण विकास नक्की साधू, असा विश्वास उमेदवार ललित हरी चव्हाण व सौ. अमृता अनिकेत फाटक यांनी व्यक्त केला आहे.
