मालवण : मालवण नगरपालिकेच्या सार्वत्रिक निवडणुकीच्या निमित्ताने राज्याचे मत्स्यव्यवसाय आणि बंदरे विकास मंत्री तथा जिल्ह्याचे पालकमंत्री नितेश राणे यांनी गुरुवारी सायंकाळी शहराचा प्रभाग निहाय दौरा करून नागरिकांशी हितगुज केले. यावेळी नागरिकांनी उपस्थित केलेल्या प्रश्नांच्या अनुषंगाने हे सर्व प्रश्न सोडवण्याची ग्वाही देताना नगरपालिकेच्या नगराध्यक्ष पदी भाजपच्या उमेदवार सौ. शिल्पा यतीन खोत यांचा विजय निश्चित असून पालिकेवर भाजपची निर्विवाद सत्ता येणार असल्याचा विश्वास त्यांनी व्यक्त केला.
ना. नितेश राणे यांनी गुरुवारी सकाळी वायरी येथे मातृत्व आधार फाउंडेशन च्या कार्यक्रमाला उपस्थित राहून या संस्थेच्या कार्यकर्त्यांशी चर्चा केली. या सामाजिक संस्थेने पालिका निवडणुकीत भाजपला पाठींबा दिल्याबद्दल त्यांनी आभार मानले. तसेच संस्थेच्या सामाजिक समस्या सोडवण्याची ग्वाही दिली. त्यानंतर सायंकाळी शहरात प्रभाग निहाय दौरा करून उपस्थितांशी संवाद साधला. प्रभाग १ मध्ये नगरसेवक पदाचे उमेदवार मंदार केणी यांच्या घराशेजारील प्रचार कार्यालयाचे उदघाट्न करण्यात आले. यावेळी नगराध्यक्ष पदाच्या उमेदवार सौ. शिल्पा खोत यांच्यासह नगरसेवक पदाचे उमेदवार मंदार केणी व सौ. दर्शना कासवकर यांना विजयी करण्याचे आवाहन ना. नितेश राणे यांनी केले. तर यानंतर प्रभाग २ मध्ये राजू आंबेरकर यांच्या निवासस्थानी बैठक घेत नगराध्यक्ष पदाच्या उमेदवार सौ. शिल्पा खोत यांच्यासह नगरसेवक पदाचे उमेदवार ललित चव्हाण व सौ. अमृता फाटक यांना विजयी करण्याचे आवाहन केले.
बांगीवाडा समाजमंदिर नजिक घेतलेल्या प्रभाग क्र. ५ च्या बैठकीत नागरिकांशी चर्चा करून त्यांचे प्रश्न ना. नितेश राणे यांनी जाणून घेतले. यावेळी नगराध्यक्ष पदाच्या उमेदवार सौ. शिल्पा खोत यांच्यासह नगरसेवक पदाचे उमेदवार यतीन खोत व महानंदा खानोलकर यांच्या विजयाचा विश्वास त्यांनी व्यक्त केला. तर प्रभाग क्र. ७ मध्ये मशीद गल्लीत बैठक घेत येथील नागरिकांचे प्रश्न त्यांनी समजून घेतले. यावेळी नगराध्यक्ष पदाच्या उमेदवार सौ. शिल्पा खोत यांच्यासह नगरसेवक पदाचे उमेदवार सौरभ ताम्हणकर व सौ. दीपाली वायंगणकर यांना विजयी करण्याचे आवाहन त्यांनी केले. तर प्रभाग क्र. ८ मध्ये भाजपच्या प्रचार कार्यालयाचे उदघाट्न करून उपस्थित नागरिकांशी त्यांनी संवाद साधला. यावेळी नगराध्यक्ष पदाच्या उमेदवार सौ. शिल्पा खोत यांच्यासह नगरसेवक पदाचे उमेदवार संतोष शिरगांवकर व सौ. मरीना फर्नांडीस यांना विजयी करण्याचे आवाहन त्यांनी केले. तर शेवटी प्रभाग क्र. ३ मध्ये प्रदीप मुंबरकर यांच्या निवासस्थानी बैठक घेत नगराध्यक्ष पदाच्या उमेदवार सौ. शिल्पा खोत यांच्यासह नगरसेवक पदाचे उमेदवार पंकज सादये व सुवर्णा वालावलकर यांना विजयी करण्याचे आवाहन ना. नितेश राणे यांनी केले.
या प्रचारसभांना भाजपचे निवडणूक निरीक्षक प्रमोद रावराणे, जिल्हा उपाध्यक्ष अशोक सावंत, रणजित देसाई, तालुकाध्यक्ष धोंडू चिंदरकर, शहर मंडल अध्यक्ष बाबा मोंडकर, महेश मांजरेकर, विजय केनवडेकर, राजू परुळेकर, विजय निकम, संतोष गावकर यांच्यासह अन्य पदाधिकारी व कार्यकर्ते उपस्थित होते.
