सावंतवाडी : सावंतवाडी तालुक्यातील कारिवडे ग्रामपंचायतीच्या उपसरपंचपदी महेश नारायण गावकर यांची २ जानेवारी २०२६ रोजी बिनविरोध निवड करण्यात आली. भारतीय जनता पार्टीचे जिल्हा सरचिटणीस तथा सिंधुदुर्ग जिल्हा बँक संचालक महेश सारंग यांच्या मार्गदर्शनाखाली आणि पक्षाच्या धोरणानुसार ही निवड प्रक्रिया पार पडली.
भाजपच्या अंतर्गत ठरलेल्या धोरणानुसार, मावळते उपसरपंच श्री. तुकाराम बाबाजी आमुणेकर यांनी आपल्या पदाचा राजीनामा दिला होता. त्यानंतर रिक्त झालेल्या या पदासाठी शुक्रवारी पंचायतीची विशेष मासिक सभा बोलावण्यात आली होती. या सभेत महेश गावकर यांचा एकमेव अर्ज आल्याने त्यांची निवड बिनविरोध झाल्याची घोषणा करण्यात आली.
निवडीनंतर आयोजित सत्कार समारंभात महेश सारंग यांनी नवनिर्वाचित उपसरपंचांना पुढील वाटचालीस शुभेच्छा दिल्या. यावेळी कारिवडे गावच्या सरपंच सौ. आरती अशोक माळकर आणि भाजप आंबोली मंडळ उपाध्यक्ष अशोक रामकृष्ण माळकर यांनी पुष्पगुच्छ देऊन गावकर यांचा सत्कार केला.
या सोहळ्याला उपस्थित मान्यवर: यावेळी गावचे प्रमुख मानकरी बाबा गावकर, चेतन गावकर, माजी सरपंच लक्ष्मण सावंत, विठ्ठल परब, माजी पंचायत समिती सदस्या सौ. प्राजक्ता केळुसकर, माजी उपसरपंच श्री. तुकाराम आमुणेकर, आंबोली मंडळ अध्यक्ष संतोष राऊळ, सौ. तन्वी साइल, ग्रामपंचायत सदस्य सौ. अरुणा सावंत, सौ. प्रतिभा जाधव, तंटामुक्ती अध्यक्ष श्री. शंकर मेस्त्री आणि ज्येष्ठ ग्रामस्थ मोठ्या संख्येने उपस्थित होते.
"पक्षाने माझ्यावर जो विश्वास टाकला आहे, त्याला जागून सरपंच आणि सर्व सदस्यांच्या सोबतीने कारिवडे गावाच्या सर्वांगीण विकासासाठी मी कटिबद्ध राहीन," अशी ग्वाही नवनियुक्त उपसरपंच महेश गावकर यांनी निवडीनंतर दिली.
