कुडाळ : झाराप शिरोडकर वाडी येथे आज सकाळी सुमारे सातच्या सुमारास देवासाठी फुले काढ़त असताना गिरण मालक प्रताप वासुदेव कुडाळकर यांना राहणार शिरोडकरवाडी (वय ६०) विजेचा जबर शॉक लागल्याने त्यांचे जागीच निधन झाले.सदर घटना आज सकाळी सात वाजण्याच्या सुमारास घडली असल्यानेचतुर्थीच्या दिवशी संपूर्ण गावावर शोककळा पसरली आहे.
याबाबत घटना अशी की प्रताप वासुदेव कुडाळकर हे देवला फुले आणण्यासाठी जवळच असणाऱ्या बागेत गेले असता रात्रभर पडणाऱ्या पावसाने विजेचा तार तूटुन पोफळी च्या झाड़ावर पडली होती.नेमकी हिच तार कुडाळकर यांच्या खांद्याला लागली आणि ते जागीच कोसळले. याबाबत अधिक तापास पोलिस निरीक्षक राजेंद्र मगदुम,झाराप चे बिट हवालदार अनिल पाटील करत आहेत.यावेळी विज वितरणविभागचे कार्यकारी अभियंता आनंद वनमोरे यांनी घटना स्थळी भेंट देउन चौकशी केली. कुडाळकर यांच्या पश्यात पत्नी मुले असा परिवार आहे.
