कणकवली : कणकवली विधानसभा क्षेत्रातील 6 प्राथमिक आरोग्य केंद्र ठिकाणी आयोजित करण्यात आली आहे. या शिबिरात आढळलेल्या सर्व मोतीबिंदू रुग्णांची मोफत शस्त्रक्रिया ओरोस येथील सिव्हिल हॉस्पिटलमध्ये करण्यात येणार असून, रुग्णांचा प्रवास आणि जेवण खर्च युवा सेना करणार आहे अशी माहिती युवासेना जिल्हाप्रमुख सुशांत नाईक यांनी पत्रकार परिषदेत दिली. 

निवडणूक प्रचारासाठी तेलंगणा त दौरे करणाऱ्या आमदार नितेश राणेंनी आधी आपल्या मतदारसंघातील जनतेच्या समस्यांकडे लक्ष द्यावे असा उपरोधिक सल्लाही नाईक यांनी दिला. यावेळी युवासेना उपजिल्हाप्रमुख मुकेश सावंत, युवासेना देवगड  तालुकाप्रमुख फरीद काझी, वैभववाडी तालुकाप्रमुख रोहित पावसकर, कणकवली तालुकाप्रमुख उत्तम लोकें, कलमठ शहरप्रमुख धीरज मेस्त्री, नितेश भोगले दत्तप्रसाद धुरी संतोष ठुकरुल आदी उपस्थित होते. सकाळी 9 ते दुपारी 2 वाजेपर्यंत 6 डिसेंम्बर रोजी शिरगाव प्राथमिक आरोग्य केंद्र,  7 डिसेंम्बर रोजी फणसगाव प्राथमिक आरोग्य केंद्र, 10 डिसेंम्बर रोजी कलमठ, 16 डिसेंम्बर रोजी वैभववाडी प्राथमिक आरोग्य केंद्र, 21 डिसेंम्बर रोजी कनेडी प्राथमिक आरोग्य केंद्र, 23 डिसेंम्बर रोजी पडेल प्राथमिक आरोग्य केंद्रात हे आरोग्य शिबीर संपन्न होणार असून याचा लाभ जनतेने घ्यावा.

या आरोग्य शिबिरात सहभागी रुग्णांचा बीपी, मधुमेह आदी तपासण्या मोफत करण्यात येणार आहेत. केवळ विरोधक म्हणून आरोग्य यंत्रणेवर आवाज उठवून युवासेना स्वस्थ बसणार नाही . नाकर्त्या स्थानिक आमदार नितेश राणेंमुळे कणकवली विधानसभा क्षेत्रात आरोग्य व्यवस्थेचे तीनतेरा वाजलेले आहेत. कणकवली देवगड वैभववाडी तालुक्यातील गोरगरीब जनतेला दिलासा मिळाला म्हणून युवासेनेने मोफत आरोग्य शिबीर आयोजित केले आहे. आमदार नितेश राणे पडवे मधील स्वतःचे खाजगी हॉस्पिटल चालावे म्हणून आरोग्य यंत्रणेकडे दुर्लक्ष करत असल्याची टीकाही सुशांत नाईक यांनी केली.