दोडामार्ग : माजी मुख्यमंत्री तसेच माजी केंद्रीय मंत्री आणि विद्यमान खासदार नारायण राणे यांच्या जन्मदिनानिमित्त जिल्हा चिटणीस सुधीर दळवी यांच्या माध्यमातून प्राथमिक आरोग्य केंद्र साटेली-भेडशी येथे रुग्णांना फळांचे वाटप करण्यात आले. या उपक्रमाचे आयोजन जिल्हा चिटणीस सुधीर दळवी यांच्या पुढाकारातून करण्यात आले असून, त्यांच्या माध्यमातूनच रुग्णांपर्यंत फळांचे वितरण करण्यात आले. सामाजिक बांधिलकी जपत रुग्णांना आधार देण्याचा आणि त्यांच्या आरोग्याविषयी सकारात्मक भावना निर्माण करण्याचा या उपक्रमामागील मुख्य उद्देश होता. आरोग्य केंद्रात उपचारासाठी आलेल्या रुग्णांना फळे देत त्यांची विचारपूस करण्यात आली.
या कार्यक्रमाला जिल्हा परिषद सदस्या श्वेता सूर्यकांत धर्णे, जिल्हा पदाधिकारी कल्पना बुडूकुले, सूर्यकांत धर्णे, भैया पांगम, प्रीतम पोकळे, रामा ठाकर, शिवराम शिरवलकर, गणपत डिगणेकर, सुमन डिगणेकर, राजन सावंत, अजय दळवी, रुक्मिणी नाईक, हसीना शेख, पांडुरंग नाईक, वैभव सुतार, विष्णू सुतार, विवेक सुतार, प्रियंका धर्णे, संजय धर्णे, बाळू सावंत, अशोक धर्णे आदी कार्यकर्ते व पदाधिकारी मोठ्या संख्येने उपस्थित होते.
यावेळी उपस्थितांनी नारायण राणे यांच्या दीर्घायुष्याची व उत्तम आरोग्याची कामना व्यक्त केली. तसेच त्यांच्या नेतृत्वाखाली दोडामार्ग तालुक्याचा विकास अधिक गतीने होईल, असा विश्वासही व्यक्त करण्यात आला. या उपक्रमामुळे रुग्णांमध्ये समाधानाचे वातावरण निर्माण झाले असून, सामाजिक बांधिलकी जपणाऱ्या अशा उपक्रमांचे सर्व स्तरांतून कौतुक होत आहे.
