वेंगुर्ला : केंद्र सरकार व राज्य सरकारच्या दोन कोटी रुपयांचा निधी वेतोरे गावाला प्राप्त झाला असून विविध विकासकामे भाजपाच्या माध्यमातून होत असल्याने ही वेतोरे गावासाठी विकासगंगा आहे असे प्रतिपादन भाजपा जिल्हाध्यक्ष राजन तेली यांनी केले .
वेंगुर्ले तालुक्यातील वेतोरे - सबनीसवाडी येथील साकवाचे भूमिपूजन जिल्हाध्यक्ष राजन तेली यांच्या हस्ते करण्यात आले. कित्येक वर्षाची मागणी असलेला, तसेच लोखंडी साकव जिर्ण होऊन मोडकळीस आल्याने वाहतुकही बंद झाला होती. त्यामुळे सबनीसवाडी येथील ग्रामस्थांना नाहक त्रास सहन करावा लागत होता. परंतु ग्रामपंचायत निवडणुकीत प्रचाराच्या दरम्यान जिल्हाध्यक्ष राजन तेली यांनी सबनीसवाडी साकव मंजूर करण्याचे अभिवचन ग्रामस्थांना दिले होते व ग्रामस्थांनी सुद्धा भाजपा उमेदवारांना पुर्ण पाठींबा देत संपूर्ण वेतोरे ग्रामपंचायत भाजपाच्या ताब्यात दिली. त्यामुळे जिल्हाध्यक्ष राजन तेली यांनी पालकमंत्री रविंद्र चव्हाण यांच्याकडे पाठपुरावा करून सदर साकवाला ५७.६० लक्ष रुपयाचा निधी मंजूर करुन वचनपुर्ती केल्यामुळे ग्रामस्थांमध्ये समाधानाचे वातावरण पसरले आहे .
केंद्रातील नरेंद्र मोदी सरकारने जलजिवन मिशन अंतर्गत १.०३ कोटी रुपयांचा निधी मंजूर केल्याबद्दल, तसेच राज्यातील शिंदे - फडणवीस सरकारने १ कोटी रुपयांचा निधी साकव - रस्ते - शाळा दुरुस्ती - देवस्थान सुशोभीकरण इत्यादी विकासकामांसाठी दिल्याबद्दल भाजपा सरकारचे ग्रामस्थांनी आभार व्यक्त केले.
या उद्घाटन प्रसंगी सर्वप्रथम ग्रामदैवत श्री देवी सातेरीला जिल्हाध्यक्ष राजन तेली यांच्या हस्ते पुष्पहार अर्पण करून, त्यानंतर सबनीसवाडा साकवाचे भूमिपूजन करण्यात आले. यावेळी जिल्हा सरचिटणीस प्रसंन्ना देसाई, तालुक्याध्यक्ष सुहास गवंडळकर, महीला अध्यक्षा स्मिता दामले, वेतोरे सरपंचा प्राची नाईक, ता.उपाध्यक्ष दीपक नाईक , उपसरपंच संतोषी गावडे, माजी चेअरमन विजय नाईक , पालकरवाडी सरपंच बंड्या पाटील, शक्तीकेंद्र प्रमुख सुधीर गावडे ,सांस्कृतिक आघाडीचे शैलेश जामदार , बुथ अध्यक्ष नितीन गावडे व विरोचन धुरी , ग्रामपंचायत सदस्य यशश्री नाईक, प्रकाश गावडे, विक्रम सावंत, साक्षी राऊळ, विनायक गावडे, सिता शिरोडकर, तुषार नाईक, सुजाता वालावलकर, माजी सरपंच राधिका गावडे व नेहा गावडे, माजी ग्रा.पं.सदस्य अरुण राऊळ, कोमल नाईक, सविता जाधव, स्वप्नाली सावंत, माजी उपसरपंच राधाकृष्ण वेतोरेकर, अनिल नाईक, ताता गावडे, अरुण राऊळ, प्रभाकर गावडे, जनार्दन गावडे, राहुल सबनीस, बंड्या गावडे, मनिषा धुरी तसेच इतर ग्रामस्थ उपस्थित होते.
