सावंतवाडी : आगामी स्थानिक स्वराज्य संस्थांच्या निवडणुकांसाठी शिवसेनेचे मुख्य नेते आणि राज्याचे उपमुख्यमंत्री एकनाथ शिंदे यांनी पक्षाच्या ४० स्टार प्रचारकांची यादी जाहीर केली आहे. यात शिवसेना प्रवक्ते, माजी मंत्री आमदार दीपक केसरकर यांचा देखील समावेश आहे.
शिंदेंच्या बंडामध्ये दीपक केसरकर यांनी महत्वपूर्ण भुमिका बजावली होती. विरोधकांना ते पुरून उरले होते. याच पार्श्वभूमीवर स्थानिक स्वराज्य संस्थांच्या निवडणुकीत त्यांच्यावर राज्यभरात पक्षाचा प्रचार करण्याची आणि कार्यकर्त्यांमध्ये जोश भरण्याची जबाबदारी दिली आहे. त्यामुळे केसरकर समर्थकांत उत्साहाच वातावरण निर्माण झाले आहे.
