कुडाळ : वेताळ - बांबर्डे विभाग शिक्षण प्रसारक मंडळ संचलित दादासाहेब तिरोडकर कनिष्ठ महाविद्यालय (गुरुवर्य कै. शशिकांत अणावकर सर विद्यानगरी, पणदूरतिठा) या महाविद्यालयाने उच्च माध्यमिक (बारावी) परीक्षेत देदीप्यमान यश संपादन केले आहे. फेब्रुवारी-मार्च २०२६ मध्ये झालेल्या या परीक्षेचा निकाल ९८.६६ टक्के लागला असून तिन्ही शाखांमधील विद्यार्थ्यांनी यशाची परंपरा कायम राखली आहे.
या परीक्षेत महाविद्यालयाच्या तिन्ही शाखांतून एकूण २९९ विद्यार्थी प्रविष्ट झाले होते, त्यापैकी २९५ विद्यार्थी यशस्वीरित्या उत्तीर्ण झाले आहेत.
शाखानिहाय गुणवंत विद्यार्थी खालीलप्रमाणे:
१. विज्ञान विभाग (Science):
प्रथम: वासुदेव विनायक बिले (८४.६७%)
द्वितीय: भक्ती नागेश आईर (८३.१७%)
तृतीय: वंदना मंगेश पवार (८२.६७%)
२. कला विभाग (Arts):
प्रथम: साक्षी सुरेश वरक (८७.००%)
द्वितीय: रेणुका राजन पावसकर (७३.००%)
तृतीय: ऐश्वर्या शिलवंत दुर्वे (७१.८३%)
३. वाणिज्य विभाग (Commerce):
प्रथम: प्राची प्रविण कदम (८५.१७%)
द्वितीय: निशांत संतोष परब (८३.५०%)
तृतीय: तन्वी संदिप शेलटे (८१.१७%)
विद्यार्थ्यांनी मिळवलेल्या या घवघवीत यशाबद्दल शिक्षण प्रसारक मंडळाचे चेअरमन आपासाहेब गावडे, सचिव नागेंद्र परब, उपाध्यक्ष प्रकाश जैतापकर, संस्थेचे सर्व पदाधिकारी व संचालक, तसेच विद्यालयाचे मुख्याध्यापक एम. जी. कर्पे सर यांनी विद्यार्थ्यांचे विशेष कौतुक केले. या यशात शिक्षक व शिक्षकेतर कर्मचारी वर्गाचे मोलाचे मार्गदर्शन लाभल्याचे प्रशासनाकडून सांगण्यात आले.
