सेंट्रल इंग्लिश स्कूलचे सावंतवाडी तालुकास्तरीय शालेय कॅरम - ज्युदो स्पर्धेत यश..!

Edited by: विनायक गावस
Published on: August 18, 2023 19:37 PM
views 135  views

सावंतवाडी : क्रीडा व युवक सेवा संचालनालय महाराष्ट्र राज्य पुणे,  जिल्हा क्रीडा अधिकारी कार्यालय सिंधुदुर्गद्वारादि. १७- ०८ - २०२३ रोजी पंचम खेमराज महाविद्यालय ,सावंतवाडी येथे शालेय   तालुकास्तरीय  कॅरम स्पर्धा आयोजित करण्यात आल्या होत्या. त्यामध्ये १४ वर्षाखालील  विद्यार्थी गटात सेंट्रल इंग्लिश स्कूलच्या कु. मोहम्मद फैज झहीर शेख, कु. फुदैल हसन आगा, कु. मोहम्मद झैद मेमन,  कु. हुमेरा मुझफ्फर मिर्झा व कु. अनम शब्बीर खान या विद्यार्थ्यांची  जिल्हास्तरीय  कॅरम स्पर्धेसाठी वैयक्तिकरित्या निवड करण्यात आली. तसेच तालूकास्तरीय शालेय ज्युदो  स्पर्धेत १४ वर्षाखालील विद्यार्थी गटात  कु . हाशिम शाकिर नाईक या विद्यार्थ्याची  जिल्हास्तरीय ज्युदो स्पर्धेसाठी निवड करण्यात आली . या स्पर्धा दि . ११- ०८- २०२३ रोजी पब्लिक स्कूल, आंबोली येथे संपन्न झाल्या.

या विद्यार्थ्यांना प्रशालेच्या क्रीडा शिक्षिका श्रीम. मारिया आल्मेडा यांनी मार्गदर्शन केले. सावंतवाडी मर्कझी जमात , बॉम्बे संस्थेचे  पदाधिकारी , प्रशालेच्या मुख्याध्यापिका श्रीम. निर्मला हेशागोळ, पर्यवेक्षिका श्रीम. मारिया पिंटो, सर्व शिक्षक व शिक्षकेतर कर्मचारी , पालक - शिक्षक संघ कार्यकारीणी समितीचे पदाधिकारी   यांनी   यशस्वी विद्यार्थ्यांचे अभिनंदन केले व  पुढील जिल्हास्तरीय कॅरम व ज्युदो स्पर्धेसाठी शुभेच्छा दिल्या .