वेंगुर्ले : पंतप्रधान नरेंद्र मोदी यांनी "२१ जुन - आंतरराष्ट्रीय योग दिन " देशभरातील जनतेस विविध शिबीरात सहभागी होऊन साजरा करण्याचे आवाहन केले आहे. पंतप्रधान २१ जुन रोजी श्रीनगर येथे स्वत: योग शिबीरात उपस्थित राहणार असून, देश - विदेशातील करोडो जनतेस स्वस्थ जिवन जगण्याची प्रेरणा व संदेश देणार आहेत.
या पार्श्वभूमीवर महाराष्ट्र प्रदेश भाजप यांच्या सुचनेनुसार वेंगुर्ले भाजपच्या वतीने तालुकास्तरावर कॅम्प मैदानावरील तालुका क्रिडा केंद्रातील नवीन बॅडमिंटन हाॅल मध्ये दिनांक २१ जुन रोजी सकाळी ७ ते ८ या वेळेत योग शिबीराचे आयोजन करण्यात आले आहे. या शिबीरात भाजपा कार्यकर्त्यां सोबत खेळाडु , डाॅक्टर , वकिल , प्राध्यापक , शिक्षक , विविध संस्थांचे प्रतिनीधी सहभागी होणार आहेत. वेंगुर्ले तालुका भाजप कार्यालयात या संदर्भात नियोजन बैठकीचे आयोजन करण्यात आले होते .यावेळी या कार्यक्रमाचे संयोजक म्हणून माजी नगराध्यक्ष राजन गिरप व सहसंयोजक म्हणून अँड. सुषमा प्रभूखानोलकर यांची निवड सर्वानुमते करण्यात आली.
भाजपा प्रदेशाध्यक्ष चंद्रशेखर बावनकुळे यांनी या कार्यक्रमासाठी प्रदेश संयोजक विश्वास पाठक व सहसंयोजक श्वेता शालिनी यांची निवड करुन संपुर्ण महाराष्ट्रात योग दिनाच्या कार्यक्रमाचे नियोजन केले आहे. भाजपा म्हणून प्रत्येक तालुक्यात योग शिबीराचे आयोजन करावे तसेच सर्व मोर्चा व प्रकोष्ठ ने जिल्हा स्तरावर एक योग शिबीर आयोजित करावे, याव्यतिरिक्त सार्वजनिक कार्यक्रम, शिक्षण संस्था किंवा अन्य सामाजिक संस्थातर्फे आयोजित कार्यक्रमामध्ये पक्षाच्या कार्यकर्त्यांनी व लोकप्रतिनिधीं सहभागी व्हावे असे आवाहन केले असल्याची माहिती भाजप जिल्हा उपाध्यक्ष प्रसन्ना देसाई यांनी दिली आहे.
भाजपा तालुका कार्यालयात आयोजित केलेल्या या बैठकीत जिल्हा उपाध्यक्ष प्रसंन्ना उर्फ बाळु देसाई व अँड. सुषमा खानोलकर, तालुकाध्यक्ष सुहास गवंडळकर, माजी नगराध्यक्ष राजन गिरप, जिल्हा निमंत्रित साईप्रसाद नाईक, जिल्हा कार्यकारणी सदस्य मनवेल फर्नांडिस व वसंत तांडेल, तालुका सरचिटणीस प्रशांत खानोलकर, महीला अध्यक्षा सुजाता पडवळ, सरपंच संघटनेचे विष्णु उर्फ पपु परब, मच्छिमार सेलचे दादा केळुसकर, महीला मोर्चाच्या श्रेया मयेकर - वृंदा मोर्डेकर - उर्वी गावडे , नगरसेवक प्रशांत आपटे , ओबीसी सेलचे शरद मेस्त्री , बुथ प्रमुख पुंडलिक हळदणकर , छोटु कुबल इत्यादी उपस्थित होते.
