सावंतवाडी : श्री यशवंतराव भोसले एज्युकेशन सोसायटी संचलित कोकणातील पहिल्या भोसले सैनिक स्कूलचा भूमिपूजन सोहळा उत्साहात संपन्न झाला. संरक्षण मंत्रालय, भारत सरकार व सैनिक स्कूल सोसायटीची मान्यता प्राप्त असलेल्या या ऐतिहासिक सोहळ्यास मान्यवर उपस्थित होते.
भोसले नॉलेज सिटी, चराठे (वझरवाडी) येथे आज भूमीपूजन व शिलान्यास सोहळा संपन्न झाला. यावेळी प्रमुख अतिथी म्हणून जिल्हा संघ चालक,रा.स्व.संघ, सिंधुदुर्ग डॉ. अरविंद कुडतरकर, प्रांत संघटन मंत्री, अ.भा.वि.प. कोकण नीरज चौधरकर, अखिल भारतीय पूर्व सैनिक सेवा परिषद उपाध्यक्ष ग्रुप कॅप्टन श्रीकांत वालवडकर, अखिल भारतीय पूर्व सैनिक सेवा परिषद कोकण प्रांत अध्यक्ष मेजर विनय देगावकर, संस्थेचे कार्याध्यक्ष अच्युत सावंत-भोंसले, अध्यक्षा ॲड.सौ. अस्मिता सावंत-भोंसले, संघाचे जिल्हा कार्यवाह लवू महाडेश्वर, डॉ. प्रविण कुमार ठाकरे, सुनेत्रा फाटक आदी उपस्थित होते.
