कणकवली : सिंधुदुर्गातील भजनी मंडळांना सिंधुदुर्ग जिल्हा परिषदेतर्फे भजनी साहित्य पुरवले जाते होते. या योजनेत बदल करण्यात आला असून यंदापासून भजनी मंडळांना साहित्य खरेदी किंवा दुरुस्ती अनुदान दिले जाणार आहे. नवीन योजना असल्याने मंडळांना नव्याने या योजनेचा लाभ घेण्यासाठी नव्याने आॅलनाईन अर्ज करावा लागणार आहे. प्राप्त झालेल्या अर्जांची लकी ड्रॉ पद्धतीने सोडत काढून गणेशोत्सवापूर्वी १५० मंडळांना साहित्य खरेदी किंवा दुरुस्तीसाठी अनुदान मंडळांच्या बॅक खात्यावर जमा केले जाणार आहे, अशी माहिती सिंधुदुर्ग जिल्हा भजनी कलाकार संस्थेचे अध्यक्ष संतोष कानडे यांनी दिली.
येथील खासदार नारायण राणे यांच्या संपर्क कार्यालयात आयोजित केलेल्या पत्रकार परिषदेत श्री. कानडे बोलत होते. यावेळी भजनी कलाकार संस्थेचे सचिव गोपी लाड, खजिनदार मयुर ठाकूर उपस्थित होते.
श्री. कानडे म्हणाले, भजनी मंडळांना साहित्य खरेदी किंवा दुरुस्तीसाठी अनुदान मिळावे, यासाठी सिंधुदुर्ग जिल्हा कलाकार संस्थेतर्फे पालकमंत्री नितेश राणे यांच्याकडे मागणी केली होती. मंडळाच्या मागणीनुसार पालकमंत्र्यांनी या योजनेत बदल करण्याचे निर्देश जि. प. प्रशासनाला दिले होते. संबंधित अधिकाºयांना योजनेतील बदलाचा प्रस्ताव तयार करून जि. प. चे मुख्य कार्यकारी अधिकारी व उपमुख्य कार्यकारी अधिकारी यांच्याकडे सादर केला होता. त्यांनी या प्रस्तावाला मान्यता दिली आहे. त्यामुळे भजनी मंडळांना साहित्य दुरुस्ती किंवा खरेदीसाठी जि. प. कडून अनुदान मिळणार आहे.
सिंधुदुर्ग जिल्ह्याचे पालकमंत्री नितेश राणे यांच्या संकल्पनेतून भजनी कलाकारांना जि. प. कडून साहित्य पुरविण्याची योजना सुरू झाली होती. मात्र, जि. प. कडून देणाºया येणारे साहित्य दर्जेदार नव्हते. त्यामुळे पालकमंत्र्यांकडे भजनी साहित्य पुरविण्याऐवजी अनुदान द्यावे, अशी मागणी भजनी कलाकार मंडळाने केली. त्यानुसार या योजनेछ बदल करण्यात आला आहे. आता जि. प. भजनी मंडळांना साहित्य पुरविण्याऐवजी साहित्य खरेदी किंवा दुरुस्ती अनुदान देणार आहे. गणेशोत्सवापूर्वी जिल्ह््यातील १५० मंडळांना १२ ते १५ हजार रुपयांचे अनुदान मंडळाच्या बॅक खात्यावर जमा केले जाणार आहे. भजनी कलाकारांना साहित्य पुरविण्याच्या योजनेत आता बदल करण्यात आला आहे. मंडळांना नवीन साहित्य खरेदी किंवा जुन्या साहित्याच्या दुरुस्तीसाठी अनुदान हवे असल्यास मंडळांना आॅनलाईन अर्ज करावा लागणार आहे. हा अर्ज ग्रामपंचायत स्तरावर उपलब्ध करून दिला जाणार आहे. गावातील भजनी मंडळांनी अर्ज आॅनलाईन स्वरुपात भरावा. गावनिहाय आलेले अर्ज पंचायती समिती स्तरावर एकत्रित करून ते जिल्हास्तरावर पाठवले जाणार आहे. अनुदानासाठी प्राप्त झालेल्या अर्जांची लकी ड्रॉ पद्धतीने सोडत काढली जाणार आहे. त्यापैकी यंदा १५० जणांना साहित्य व दुरुस्तीसाठी १२ ते १५ हजार रुपयांचे अनुदान दिले जाणार आहे. जिल्ह्यामध्ये २ हजार पेक्षा जास्त मंडळे आहेत. अनुदान मिळण्यासाठी मंडळांनी जिल्हा बँकेमध्ये खाते काढले पाहिजे. पालकमंत्र्यांच्या उपस्थित मंडळांना अनुदान वितरणाचा कार्यक्रम घेतला जाणार आहे, असे कानडे यांनी सांगितले.
