सावंतवाडी : शहरातील व्यायामपटूंचे प्रेरणास्थान असणारे कै.वाळके मास्तर यांच्या जयंतीनिमित्त स्वराज्य स्वराज्य संघटना व आजी-माजी व्यायामपटू यांच्यामार्फत विविध उपक्रम राबवण्यात आले. त्यामध्ये सावंतवाडी उपजिल्हा रुग्णालयामध्ये स्वराज्य संघटनेमार्फत पेशंट व स्टाफ साठी 60 खुर्च्या देण्यात आल्या तसेच माजी नगरसेवक सुधीर आरिवडेकर यांच्याकडून हॉस्पिटलला एक्वागार्ड मशीन देण्यात आली. 

 याप्रसंगी शहरातील प्रख्यात वकील बापू गव्हाणकर, व्यावसायिक राजू भालेकर, जीवन रक्षा प्रतिष्ठानचे अध्यक्ष राजू मसुरकर, डॉ. संदीप सावंत, डॉ.चौगुले, स्वराज्य संघटनेचे अध्यक्ष अमोल साटेलकर तसेच, दिनेश गावडे ,कृष्णा, जेहूर शेख, नंदू गावडे, व्यायाम प्रशिक्षक रमेश साटेलकर, एल एस निचम, विशाल पोतनीस, नाना शितवळे ,मनोज हवालदार, रवी जाधव, आंतरराष्ट्रीय खेळाडू तसेच ज्यांनी महाराष्ट्र कामगार श्री किशोर सोंसुरकर, अंकित सोंसुरकर उपस्थित होते.

जेष्ठ वकील बापू गव्हाणकर यांच्याकडून या सर्वांना पुष्पगुच्छ देऊन त्यांचे स्वागत करण्यात आले. कार्यक्रमाचे आयोजन व नियोजन स्वराज्य संघटनेचे अध्यक्ष अमोल साटेलकर यांनी केले. तसेच स्वराज्य संघटनेचे कार्यकर्ते त्यांनी देखील या उपक्रमाला हातभार लावला  त्यांच्या या उपक्रमाचे  शहरात कौतुक होत आहे.