सिंधुदुर्गनगरी : सिंधुदुर्ग जिल्ह्यातील महिला पोलीस अधिकारी व अंमलदार ह्या आपले कौटुंबिक आयुष्य सुखकर ठेवुन पोलीस दलाचे दैनंदिन कर्तव्य मोठ्या जबाबदारीने पार पाडत असतात. त्यांचे मनोबल वाढविणे तसेच त्यांचेसाठी खेळ आयोजीत करुन ताण-तणाव मुक्तीसाठी मनोरंजनात्मक कार्यक्रम घेणे हा हेतु विचारात घेवुन 08 मार्च ह्या जागतिक महिला दिनाचे निमीत्ताने जिल्हा पोलिस अधीक्षक सौरभ कुमार अग्रवाल,यांच्या  संकल्पनेतुन पोलीस परेड ग्राऊंड, सिंधुदुर्गनगरी येथील मैदानावर महिला क्रिकेट स्पर्धेचे आयोजन करण्यात आले, सदर महिला क्रिकेट स्पर्धेकरीता सिंधुदुर्ग जिल्ह्यातील महिला पोलीस अधिकारी व अंमलदार यांनी उत्स्फुर्तरित्या प्रतिसाद दिला.

पोलीस परेड ग्राऊंड, सिंधुदुर्गनगरी येथील मैदानावर आयोजीत महिला क्रिकेट स्पर्धेकरीता 07 संघ सहभागी झालेले होते. त्यामध्ये स्पोटर्स 11, प्लॅटीनम पॅन्थर्स, पॉवर रेंजर, गोल्डन इगल्स, अरेबियन वॉरीयर्स, अॅव्हेन्जर्स 11, रॅपीड स्ट्रायकर्स अशा संघानी 05-05 ओव्हर्सच्या लिमिटेड महिला क्रिकेट सामने खेळविण्यात आले. सदर क्रिकेट स्पर्धा आयोजीत करन्याकरीता  अधीक्षक, सिंधुदुर्ग यांचे सोबत   पोलीस निरीक्षक, स्थागुअशा,राजेंद्र पाटील,   पोलीस निरीक्षक, सायबर पोलीस ठाणे निसर्ग ओतारी, सहा. पोलीस निरीक्षक, महिला कक्ष श्रीम. नलिनी शिंदे आदींनी सहभाग घेतलेला होता. तसेच नमुद क्रिकेट स्पर्धेकरीता पंच म्हणुन सहा. पोलीस निरीक्षक श्री. मागाडे, पोलीस उपनिरीक्षक श्री. गाडेकर,  समीर भोसले, सुरज पाटील,  सागर शिंदे यांनी महत्वाची भुमीका बजावली. त्याचप्रमाणे वैद्यकिय उपचाराकरीता डॉ. श्रीम. विना गोविंदवार ह्या देखील उपस्थित होत्या.

या महिला संघामध्ये पहिल्या मॅच पासुनच चुरशीची लढत पाहावयास मिळाली त्यामध्ये उत्कृष्ट फंलदाजी केल्याबद्दल श्रीम. काशी पाटकर व उत्कृष्ट गोलंदाजी केल्याबद्दल श्रीम. प्रतिक्षा कोरगांवकर यांना बक्षीस मिळाले तसेच सर्व सामन्यामंध्ये उत्कृष्ट फलंदाजी केल्यामुळे मालिकाविर होण्याचा मान श्रीम. काशी पाटकर यांना पुन्हा एकदा मिळाला. त्याचप्रमाणे या  07 संघाचे महिला क्रिकेट स्पर्धेमध्ये गोल्डन ईगल्स संघ विजेता झालेला असुन त्या संघाचे कर्णधार मसपोनि श्रीम. नलिनी शिंदे यांनी बक्षीस स्विकारले. तसेच उपविजेता संघ म्हणुन रॅपिड स्ट्रायकर्स या संघाने मान मिळवला. दोन्ही संघाना व इतर पोलीस अंमलदार यांना  सौरभ कुमार अग्रवाल,  यांचे हस्ते बक्षीसे देवुन त्यांचा सत्कार करण्यात आला. महिला क्रिकेट स्पर्धेमध्ये सहभागी झालेले सर्व महिला पोलीस अधिकारी व अंमलदार यांनी पोलीस अधीक्षक यांचे आभार मानुन त्यांनी क्रिकेट स्पर्धा आयोजीत करुन महिला दिन साजरा केला म्हणुन सकारात्मक प्रतिसाद देवून समाधान व्यक्त केलेले आहे.