मंडणगड : धुत्रोली येथे 7 मार्च 2025 रोजी झालेल्या दुचाकीचे अपघातात गाडीवरुन सरकुन जखमी झालेल्या अनुराधा आशिष मोरे (34) राहणार म्हाप्रळ चिचांळी या महिलेचे अधिक उपचारादरम्यान निधन झाले.
याबाबत मयत महिलेचा पतीने मंडणगड पोलीस ठाण्यात 17 मार्च 2025 रोजी दाखल केलेल्या फिर्यादीतील माहीतीनुसार, मयत अनराधा मोरे व मुलगा हे दोघे 7 मार्च 2025 रोजी मंडणगड येथे बाजाराकरिता आले होते. बाजार आटपून घरी परत जात असताना वाटेत धुत्रोली या ठिकाणी राष्ट्रीय महामार्गावर मोटार सायकल घसरुन अपघात झाला. या अपघातात अनुराधा मोरे यांच्या डोक्याला मुका मार लागुन, नाकातून व तोंडातून रक्त स्त्राव सुरु झाला त्यांनी उपचाराकरिता मंडणगड येथील ग्रामिण रुग्णालयात दाखल केले असता प्रथमोपचारानंतर पुढील उपचारासाठी माणगाव येथे पाठवण्यात आले.
माणगाव येथील डॉक्टरांनी अधिक उपचाराकरिता एम.जी.एम. रुग्णालय कामोठे येथे पाठविले तेथील डॉक्टरांनी उपचारापुर्वी तपासणी केली असता त्या मयत झाल्याचे घोषीत केले. याबाबत मंडणगड पोलीस स्थानकात अमरो. बी.एन.एस.एस. 194 नुसार मयत झाल्याची खबर दाखल करण्यात आली.
