वेंगुर्ले : भाजपा प्रदेशाध्यक्ष रविंद्र चव्हाण यांच्या वाढदिवसानिमित्त वेंगुर्ले शहरासाठीचा रुग्णवाहिकेचा लोकार्पण सोहळा आज वेंगुर्ले भाजपा कार्यालयात भाजपा युवा नेते विशाल परब यांच्या प्रमुख उपस्थितीत संपन्न झाला. यावेळी विशाल परब यांच्या माध्यमातून वेंगुर्ल्यातील जनतेच्या आरोग्य रक्षणासाठी रुग्णवाहिकेचे लोकार्पण करण्यात आले.
भारतीय जनता पार्टीचे महाराष्ट्र प्रदेशाध्यक्ष रविंद्र चव्हाण यांचा वाढदिवसानिमित्त जनसेवा हीच ईश्वरसेवा या ब्रीदवाक्या अंतर्गत भाजप युवा नेते विशाल परब यांच्या माध्यमातून वेंगुर्ले शहरासाठी रुग्णवाहिका देण्यात आली. वेंगुर्ले शहरातील जनतेला येणाऱ्या आकस्मिक आरोग्य अस्वास्थ्याच्या अडचणींचा विचार करता जनतेच्या सेवेसाठी रुग्णवाहिका उपलब्ध करून देण्याचा संकल्प भाजपा युवा नेते विशाल परब यांनी केला होता. या संकल्पाची पूर्ती रवींद्र चव्हाण यांच्या वाढदिवसाचे औचित्य साधून झाली. भाजपाचे प्रदेश कार्यकारिणी सदस्य शरद चव्हाण यांच्या हस्ते वेंगुर्ले शहरासाठीच्या या रुग्णवाहिकेचे अनावरण करत जनतेसाठी लोकार्पण करण्यात आले.
भाजप प्रदेशाध्यक्ष रविंद्र चव्हाण यांना अपेक्षित असणाऱ्या सर्वसामान्य गोरगरीब जनतेच्या हिताचे विविध कार्यक्रम राबवत या कर्तव्यनिष्ठ नेतृत्वाचा यथोचित सन्मान आम्हा कार्यकर्त्यांकडून या वाढदिवसाच्या निमित्ताने केला जाईल असे यावेळी बोलताना विशाल परब म्हणाले. हे अखंड सेवाव्रत असणार असल्याचेही त्यांनी स्पष्ट केले. या रुग्णवाहीका लोकार्पण सोहळ्याप्रसंगी ॲड.अनिल निरवडेकर, प्रदेश कार्यकारिणी सदस्य शरद चव्हाण, जिल्हा उपाध्यक्ष प्रसन्ना देसाई, तालुकाध्यक्ष पप्पू परब, जिल्हा कार्यकारणी सदस्य सुहास गवंडळकर, साईप्रसाद नाईक, माजी नगराध्यक्ष राजन गिरप, राज्य परिषद सदस्य गुरुनाथ उर्फ राजू राऊळ, महिला तालुकाध्यक्षा सुजाता पडवळ, युवा मोर्चा तालुकाध्यक्ष प्रणव वायंगणकर, तालुका सरचिटणीस वसंत तांडेल, ओबीसी सेल अध्यक्ष रमेश नार्वेकर, शरद मेस्त्री, अल्पसंख्याक सेल सायमन आल्मेडा तसेच महिला मोर्चाच्या वृंदा गवंडळकर, श्रेया मयेकर, हसीना बेन मकानदार, रिया केरकर , कृपा मोंडकर, शक्ती केंद्र प्रमुख किरण कुबल, माजी उपनगराध्यक्ष अभि वेंगुर्लेकर, खानोली सरपंच सुभाष खानोलकर, अणसुर सरपंच सत्यविजय गावडे, आसोली उपसरपंच संकेत धुरी, म्हापण माजी सरपंच नाथा मडवळ, मठ सोसायटी चेअरमन सुभाष खानोलकर, रवींद्र खानोलकर, नामदेव सरमळकर, पुंडलिक हळदणकर, भानुदास कुबल, श्याम खोबरेकर , विजय रेडकर, समीर कुडाळकर, प्रशांत नाईक, सचिन शेट्ये, गणपत राऊळ यांच्यासह शक्तीकेंद्र प्रमुख, बूथ प्रमुख, तालुका कार्यकारणी सदस्य, विविध मोर्चा आघाडीचे सर्व कार्यकर्ते पदाधिकारी मोठ्या संख्येने उपस्थित होते.
