वेंगुर्ला : वेंगुर्ले तालुका शिवसेना आणि दिपकभाई केसरकर मित्रमंडळ यांच्या संयुक्त विद्यमाने शालेय शिक्षण मंत्री, आमदार दिपक केसरकर यांचा वाढदिवस वेंगुर्ले तालुक्यात विविध उपक्रमांनी साजरा करण्यात आला. यावेळी मंत्री दीपक केसरकर यांना दीर्घायुष्य लाभावे व ते आगामी निवडणुकीत चौथ्यांदा विक्रमी मतांनी आमदार व्हावेत यासाठी वेंगुर्ले बाजारपेठ येथील श्री. मारुती मंदिरात लघुरद्र विधी करण्यात आले. यावेळी मंत्री केसरकर यांना दीर्घायुष्य लाभो अशा प्रकारचे गाऱ्हाणे मारुतीरायला घालण्यात आले. उपस्थित भाविकांना व्यापारी वर्गाला गोड प्रसादाचे वाटप करण्यात आले. यावेळी शिवसेना जिल्हा समन्वयक तथा जिल्हा नियोजन समिती सदस्य सचिन वालावलकर, तालुकाप्रमुख नितीन मांजरेकर, शहरप्रमुख उमेश येरम, माजी नगराध्यक्ष सुनील डुबळे, माजी उपनगराध्यक्ष यशवंत किनळेकर, राजू परब, संजय परब, बाळा परब, मच्छिमार सेल तालुकाप्रमुख गणपत केळुसकर , प्रकाश मोटे, मनोज पांगम, आस्वाद पोतनीस, मनाली परब, मृणाली गोळम, संजना पिंगुळकर, अंजली शिरोडकर आदी उपस्थित होते.
