रत्नागिरी : शरदचंद्रजी पवार कृषि महाविद्यालय, खरवते - दहिवली येथे दि. ४ एप्रिल ते ६ एप्रिल या कालावधीत सह्याद्रि कृषि क्रीडा संग्राम मोठ्या उत्साहात व खेळीमेळीच्या वातावरणात संपन्न झाला. यामध्ये विविध क्रीडा प्रकारांचे आयोजन करण्यात आले. यामध्ये क्रिकेट, बास्केटबॉल, व्हॉलीबॉल, कबड्डी, खो- खो,बॅडमिंटन, कॅरम, टेबल टेनिस, बुद्धिबळ, रस्सीखेच, अॅथलॅटीक्स यांचा समावेश होता. यंदा महाविद्यालयाच्या स्व. गोविंदराव निकम क्रिडा नगरी मधील नुकत्याच साकारण्यात आलेल्या टर्फ विकेट क्रिकेट मैदानावर क्रिकेट स्पर्धा पार पडली.
यामध्ये चतुर्थ वर्षातील मुलांनी विजेते पद व तृतीय वर्षातील मुलांनी उपविजेतेपद पटकावले.व्हॉलीबॉल ( मुले) क्रीडा प्रकारामध्ये द्वितीय वर्ष अन्नतंत्रज्ञान शाखेने विजेतेपद तर द्वितीय वर्ष कृषिने उपविजेतेपद संपादन केले.व्हॉलीबॉल ( मुली) मध्ये द्वितीय कृषि यांनी प्रथम व तृतीय वर्ष कृषि यांनी द्वितीय क्रमांक मिळवत यश संपादन केले.बॅडमिंटन क्रीडा प्रकारामध्ये कुमारी भाविका धसाडे, आयुषा निकम, कुमार आदित्य कुदळे,भुषण तळेकर, सनि चांगण व शिवराज रिकीबे यांनी विजय मिळवला.अॅथलॅटीक्स स्पर्धामध्ये वेद गिते, अभिनव शिंदे ,रविना दसवत,सृष्टी मोरे, समृद्धी मोरे,अवधुत काळे, श्याम गावंड, पार्थ निकम, श्रावनी सांगरे ऐश्वर्या लांडगे व रिया भोई यांनी विजय मिळवला.टेबल टेनिस स्पर्धेमध्ये ईशा पाटील, तेजस्वी राणे,अनामिका सावंत ,मयुरी नलवडे,अवनिश बर्डे, सिद्धार्थ राणे, माधव क्षीरसागर, तेजस भेलके व प्रफुल्ल वायकर यांनी विजय मिळवला. कॅरम (मुले) स्पर्धांमध्ये द्वितीय वर्ष कृषि , व मुलींमध्ये तृतीय वर्ष कृषि यांनी विजेतेपद मिळवले.बुद्धिबळ क्रीडा प्रकारामध्ये द्वितीय वर्ष कृषि व तृतीय वर्ष उद्यानविद्या यांनी विजेतेपद पटकावले. खो खो स्पर्धांमध्ये चतुर्थ वर्ष कृषि च्या मुली व द्वितीय वर्ष कृषि च्या मलांनी प्रथम क्रमांक मिळवला. कबड्डी मध्ये चतुर्थ वर्ष कृषि मुले व मुली विजेते ठरले. रस्सीखेच क्रीडा प्रकारात द्वितीय कृषि मुले व तृतीय वर्ष कृषि मुली यांनी विजेतेपद पटकावले.
या सर्व विजयी व सहभागी स्पर्धकांचे महाविद्यालयाचे प्राचार्य डॉ.सुनितकुमार पाटील यांनी कौतुक करत त्यांचे अभिनंदन केले.या सर्व क्रीडा स्पर्धा यशस्वी होण्यासाठी महाविद्यालयाचे क्रीडा निर्देशक सुहास आडनाईक व सर्व प्राध्यापक वर्ग यांचे मार्गदर्शन लाभले.
