सावंतवाडी : महाराष्ट्र व गाेवा राज्यातील भाविकांचे श्रध्दास्थान असलेल्या, सावंतवाडी शहराचे जागृत देवस्थान व 365 खेडयांचा अधिपती असलेल्या श्री देव उपरलकर देवस्थानचा वार्षिक अभिषेक पूजा साेहळ्यास गुरुवारी उत्साहात प्रारंभ झाला.

सावंतवाडीतील राजघराण्याचे दैवत असलेल्या या देवस्थानचा वाढदिवस दरवर्षी माेठा उत्सव म्हणून साजरा हाेताे. गुरुवारी पहाटेपासून या सोहळ्याला प्रारंभ झाला. सकाळपासून विविध कार्यक्रमांचे आयाेजन करण्यात आले होत. सकाळी अभिषेक व पूजा, उत्सवानिमित्त पूजापाठ, त्यानंतर सर्व भाविकांना दर्शन व तिर्थप्रसाद,नामांकीत भजनी कलाकारांचा भजनाचा कार्यक्रम पार पडले.

तर सायंकाळी सावंतवाडी येथील महापुरुष दशावतार नाटयमंडळाचा नाटयप्रयाेग पार पडला. सिंधुदुर्गसह गोवा कर्नाटकमधील‌ भाविक मोठ्या संख्येने सावंतवाडीत दाखल झाले होते.