सावंतवाडी : स्वाभिमानी सावंतवाडीकरांना कुणी विकत घेऊ शकत नाही, पैशांनी विकले जात नाही. मुख्यमंत्री असताना १९० कोटी शहरासाठी मी दिले. शहराचा विकास करण्यासाठी हक्काचा नगरसेवक व नगराध्यक्ष हा शिवसेनेचा हवा. कोकणी माणसं साधी भोळी असली तरी निश्चय केल्यावरही मागे हटत नाही. त्यामुळे आमच्या उमेदवारांना विजयी करा असं आवाहन उप मुख्यमंत्री एकनाथ शिंदे यांनी व्यक्त केले. नगरपरिषदा नगरविकासच्या अखत्यारीत आहेत. तुमचा एकनाथ शिंदे नगरविकास मंत्री आहे, निधीची काळजी करू नका. कुणी काहीही म्हणूदेत. मोठं मोठी ऑपरेशन डॉक्टर नसताना केली. करेक्ट कार्यक्रम आपण करतो. सावंतवाडीचा विकास हाच ध्यास असून शिवसेनेच्या लाडक्या बहिणीला विजयी करा असंही आवाहन त्यांनी केले. सावंतवाडी येथील नगरपरिषद उमेदवारांच्या प्रचार सभेत ते बोलत होते.
ते पुढे म्हणाले, लाडकी बहिण ॲड निता सावंत-कविटकर व त्यांच्या संपूर्ण पॅनलला मोठ्या मताधिक्याने विजयी करा. रोज ८ सभा होतात. थोडा उशीर होतो पण, एकही लाडकी बहिण, माझे बंधू हटत नाही. विधानसभा निवडणुकीत मला प्रेम दिलं. विकासाचा व्हिजन असणारे लोक आम्ही आहोत. कोकण आणि शिवसेना कुणी वेगळा करू शकत नाही. दीपक केसरकर तर राज्यातील नगराध्यक्षांचे अध्यक्ष होते. सावंतवाडीवर त्यांनी प्रेम केल तेवढंच प्रेम त्यांना सावंतवाडीकरांनी दिलं. एक आदर्श लोकप्रतिनिधी म्हणून त्यांची महाराष्ट्रात ओळख आहे. ही निवडणूक छोटी असली तरी सावंतवाडीच भविष्य ठरवणारी आहे.
जय महाराष्ट्र ही घोषणा कोकणातून जन्माला आली. कोकणी माणसाने शिवसेनेला कधी अंतर दिलं नाही. भरभरून प्रेम आम्हाला दिल. त्यासाठी आभार मानावे तेवढे कमी आहेत. विचारांवर लढणारी ही शिवसेना आहे. मी एका सर्वसामान्य कुटुंबातील माणूस आहे. आई, पत्नीची काटकसर मी पाहिलीय. म्हणूनच मुख्यमंत्री लाडकी बहिण योजना जन्माला आली. अनेकांनी त्यावर टीका केली, अडथळे आणले. पण, योजना सुरू झाली. कुणी मायकालाल आला तरीही ही योजना बंद होणार नाही. अनेकांनी त्यातून व्यवसाय देखील उभे केलेत. सर्वसामान्यांना आधार देणारी ही योजना आहे. लेक लाडकी लखपती योजना आम्ही आणली. अनेक निर्णय शेतकरी, महिला, युवकांसाठी सुरू केल्यात. मुख्यमंत्री असताना १९० कोटी सावंतवाडी शहराला दिले. तुम्ही नशिबवान आहात. सावंतवाडीच्या विकासाची कास दीपक केसरकर यांनी धरली. जिथे संकट तिथे एकनाथ शिंदे पोहचतो. मी जे बोलतो ते करतो. माझा अजेंडा हा विकासाचा आहे, खुर्ची हा अजेंडा नाही. सरकार हे सामान्य लोकांसाठी असत. अनेक निर्णय आम्ही घेतले. सिंधुरत्न योजना सुरू झाली पाहिजे म्हणून मी प्रयत्न करतोय. पर्यटन वाढवण्यासाठी प्रयत्न आहे. तरूण नोकरीसाठी बाहेर जाऊ नये ही माझी भुमिका आहे. शासन आपल्या दारी नेण्याचं काम मी केलं. ४ कोटी लोकांना त्याचा फायदा झाला. तुमच एक मत इतिहास घडवेल.विकासाची दुरदृष्टी असणारी टीम निवडून द्या, तुम्ही निर्णय घेतला तर भल्या भल्यांची डिपॉझीट जप्त होतील असा विश्वास त्यांनी व्यक्त केला. तर सावंतवाडीवर विकासाचा भगवा डौलान फडकवा असं आवाहन केलं
