सावंतवाडी : मोती तलाव केस नगरपरिषद विरोधात आहे. ज्या कुटुंबान केस दाखल केली त्यातील सदस्य नगराध्यक्षपदासाठी उभा राहिला आहे. त्यामुळे पुढे ही केस कशी लढणार ? सासऱ्यांच्या विरोधात केस लढणार का ? हे कंफलीफ्ट ऑफ इंटरेस्ट आहे. त्यामुळे पद सुद्धा जाऊ शकत असं मत माजी मंत्री आमदार दीपक केसरकर यांनी व्यक्त केले.
ते म्हणाले, नगरपरिषदेच्या ॲटमध्ये कंफ्लिक्ट ऑफ इंटरेस्ट चालत नाही. मोती तलाव नगरपरिषदेच राहणार नाही. यांच्या घरची सून विरोधात जाणार का ? त्यामुळे युवराज्ञी आहे म्हणून नगराध्यक्ष हे चालणार नाही. आधी केस मागे घ्या, मग मत लोकांकडे मागा असंही विधान केलं. यावेळी नगराध्यक्षपदाच्या उमेदवार ॲड निता सावंत-कविटकर, उमेदवार खेमराज उर्फ बाबू कुडतरकर, देव्या सुर्याजी आदींसह पदाधिकारी कार्यकर्ते उपस्थित होते.
