सावंतवाडी : आमच्याकडे नगरविकास मंत्री आहेत. त्यामुळे निधी आम्हाला कमी पडणार नाही. त्यामुळे पालकमंत्र्यांनी निधीचा प्रचार करू नये. दीपक केसरकर यांच्या माध्यमातून शहराचा कायापालट होत आहे. केसरकर यांना माझ्यासारख्या सामान्य स्त्रीला उमेदवारी दिली. सामान्य कार्यकर्त्यांचा त्यांनी केलेला हा सन्मान आहे असं मत नगराध्यक्ष पदाच्या उमेदवार ॲड. निता सावंत - कविटकर यांनी व्यक्त केला. उपमुख्यमंत्री एकनाथ शिंदे यांच्या प्रमुख उपस्थितीत होणाऱ्या प्रचार सभेत त्या बोलत होत्या.
त्या पुढे म्हणाल्या, दीपक केसरकर यांनी सावंतवाडी शहराचा विकास केला. शहरात फिरताना दिसणाऱ्या गोष्टी, होणारा कायापालट हा दीपक केसरकर यांच्यामुळे होते. शिरशिंगे धरणाला ६०० कोटी दीपक केसरकर यांनीच मंजूर केले. ते तिथून पाणी आणण्याच बोलतात. मात्र, त्यांना माजगावच धरण दिसलं नाही का ? असा सवाल केला. नळपाणी योजनेच काम सुरूच आहे. १९० कोटीचा निधी केसरकरांनी भुयारी गटार, स्ट्रीट लाईटसह इतर गोष्टींना आणला आहे. ४३ कोटींचा निधी मल्टीस्पेशालिटी हॉस्पिटलसाठी आणला असून जागा सरकाराला का दिली जात नाही. त्यासाठी का अटीशर्ती घातल्या जात आहेत ? जनतेला काही गोष्टींची कल्पना असावी म्हणून हे सांगत आहे. सावंतवाडीतील जमिनी स्वतःच्या मालकीवर व्हाव्यात म्हणून दावा कुणी दाखल केला आहे. जमिनी ताब्यात मिळण्यासाठी बांधकाम पाडण्यासाठी व नुकसानभरपाई मिळावी म्हणून दावे केलेत. जर समोरचे उमेदवार नगराध्यक्ष झाले तर अधिकारांचा गैरवापर केला जाईल. यासाठी सावंतवाडीकरांनी सजग असलं पाहिजे. आमच्याकडे येताना परवानगी घ्यायची गरज भासत नाही. आम्ही तुमचे सेवक आहोत. सामान्य असल्याने सामान्यांचे प्रश्न मी जाणते. मला सावंतवाडी आत्मनिर्भर करायची आहे. समोरच्या उमेदवारांना रिस्पेक्ट देतो त्यांना समस्या कशा सांगणार ? त्यामुळे याचा विचार करावा. आमच्याकडे मंत्री एकनाथ शिंदे, दीपक केसरकर यांची साथ आहे. ड्रेनेजसह इतरही गोष्टी होत आहेत. डिसेट्रलाईज युनिट उभ करण्यासाठी आमचा प्रयत्न आहे. ११ कोटींचा निधी अंडरग्राऊंड वीज वाहिन्यांसाठी आलेला. मात्र, माजी नगराध्यक्ष बबन साळगावकर यांच्या निष्क्रीयतेमुळे तो परत गेला. महिलांच्या हाताला काम, युवकांना रोजगार देण्याच काम आम्ही सिंधुरत्न मधून करणार आहोत. लाकडी खेळण्यासांठी स्वतःचा ब्रॅण्ड जगात निर्माण करायचा आहे. कुशल कारागिरांना विविध मशीन आम्ही उपलब्ध करून देणार आहोत. सावंतवाडी 'स्मार्ट सिटी' बनवायची आहे. 'वन सिटी ॲप' आम्ही तयार करणार आहोत. ई गवर्नरद्वारे सोयी निर्माण करून देण्यासाठी माझा भर राहील. यासाठी माझ्यासह २० उमेदवारांना विजयी करा अस आवाहन त्यांनी केले.
आमच्याकडे हिंदू, मुस्लिम, शिख, इसाई भाई भाई म्हणून नांदलेत. सावंतवाडीत शांतात आणि सुरक्षितता नांदते. त्यामुळे ते टिकवण्यासाठी दीपक केसरकर यांना साथ द्यावी असं आवाहन केलं. माजी नगराध्यक्ष संजू परब, माजी नगराध्यक्षा अनारोजीन लोबोंसारखी अनुभवी व्यक्तीमत्व माझ्या सोबतीला आहे. तरूण मंडळी आहेत. त्यामुळे आम्हाला साथ द्यावी. मोती तलाव कोर्ट केसमध्ये अडकला आहे. सावंतवाडीत ज्येष्ठ नागरिक व दिव्यांगासाठी बससेवा सुरू करायची आहे. १० ही प्रभागात दीपक केसरकर यांना मोठा प्रतिसाद मिळत आहे. तुमची ३ मत महत्वपूर्ण ठरणार आहेत. तुमच सहकार्य मिळालं तर सुरक्षित, स्वच्छ व पारदर्शक कारभार आम्ही करू असा विश्वास त्यांनी व्यक्त केला. यावेळी शिवसेना जिल्हाप्रमुख संजू परब, शहरप्रमुख बाबु कुडतरकर, अशोक दळवी आदींसह पदाधिकारी, कार्यकर्ते उपस्थित होते.
