सावंतवाडी : मटका बंद करणार, मटका चालू देणार नाही असं सांगणाऱ्यांनी मटके वाल्यांना तिकीट दिलं. आमच्याकडे दोन नंबरवाला नाही. एकही मटका, जुगार वाला नाही. विकास दीपक केसरकर करू शकतात. २५ वर्षांपूर्वीची सावंतवाडी आणि आताची यात फरक आहे. स्वच्छ चेहऱ्यांची माणसं आम्ही दिलीत. पाटेकर, उपरलकरास आम्हाला आशीर्वाद आहे. त्यामुळे २१-० होणार हे निश्चित आहे. तसेच माजगावला धरण होत आहे. त्यामुळे भुलथापा मारून मत मिळणार नाहीत असा टोला त्यांनी लगावला असं मत शिवसेना जिल्हाप्रमुख संजू परब यांनी व्यक्त केले.
ते म्हणाले, मोती तलाव, मल्टीस्पेशालिटी हॉस्पिटलचा मुद्दा मांडला गेला. कोरोना काळात मी जनतेसाठी सेवा केली. यशस्वी नियोजन आम्ही केल. आता सगळे येतील आणि विकासाच्या वल्गना करतील. सावंतवाडीवर संकट असताना एकही नेता आला नाही. आज दिलेले पैसे उद्या वसूल करतील. तो देखील नगरपरिषदेतून केला जाईल. मुलांच्या मैदानाची जागा बिल्डरला दिली. त्यामुळे मोती तलावाच काय होईल याचाही विचार करा. आमचा उमेदवार चांगल मराठी बोलतो. त्यांना कधीही भेटता येत. त्या सैनिक कन्या आहेत. सीमेवर त्यांचे वडील लढलेत. ज्या घराण्याने छत्रपती शिवाजी महाराजांना विरोध केला त्यामुळे शिवप्रेमींनी ठरवाव काय करायचं. घराण आहे म्हणून मतदान करायचे हे योग्य नाही. इंग्रजांना सामान्य माणसांनीच इथून घालवलं. ही लढाई प्रजा विरुद्ध राजा आहे. त्यामुळे लोकांनी सामान्यांना मतदान करावं अस आवाहन केलं.
