कुडाळ : रोटरी क्लब ऑफ कुडाळचा वार्षिक पदग्रहण समारंभ 11 जुलै रोजी महालक्ष्मी हाॅल कुडाळ येथे आयोजित करण्यात आला असून डिस्ट्रिक्ट 3170 चे माजी डिस्ट्रिक्ट गव्हर्नर संग्राम पाटील यांची  प्रमुख उपस्थिती असणार आहे. रोटरी क्लब ऑफ कुडाळचे नूतन अध्यक्षपदी राजीव पवार, सचिवपदी मकरंद नाईक, खजिनदारपदी राकेश म्हाडदळकर यांची निवड करण्यात आली. तर उपप्रांतपालपदी सचिन मदने व डिस्ट्रिक्ट सेक्रेटरीपदी प्रणय तेली यांची निवड करण्यात आली असल्याची माहिती  पत्रकार परिषदेत देण्यात आली. 

 यावेळी रोटरीचे मावळते अध्यक्ष डाॅ संजय केसरे, नूतन अध्यक्ष राजीव पवार, सचिव मकरंद नाईक, खजिनदार राकेश म्हाडदळकर, उपप्रांतपाल सचिन मदने, डिस्ट्रिक्ट सेक्रेटरी प्रणय तेली आदी उपस्थित होते.

11 जुलै रोजीच्या वार्षिक पदग्रहण सोहळ्यात पदग्रहण अधिकारी म्हणून रोटरी डिस्ट्रिक्ट 3170 चे माजी डिस्ट्रिक्ट गव्हर्नर संग्राम पाटील, उपप्रांतपाल डाॅ.विनया बाड, गव्हर्नर एरिया एड डाॅ विद्याधर तायशेटये, सिंधुदुर्ग जिल्ह्यातील सर्व रोटरी क्लबचे व ईनरव्हिल क्लब चे पदाधिकारी-सदस्य उपस्थित राहणार आहेत. 

रोटरीची नवी थीम- रोटरी इंटरनॅशनल ची 2025-26 साठी नवीन थीम  "UNITE FOR GOOD " असणार आहे.

रोटरी व्यवसाय सेवा पूरस्कार वितरण-  यावर्षीचा रोटरी व्यवसाय सेवा म्हणजे व्होकेशनल अवाॅर्ड सरंबळचे प्रगत शेतकरी सुरेश परब यांना देण्यात येणार आहे. 

कै.राजश्री एकनाथ पिंगुळकर स्मृतिप्रीत्यर्थ रोटरी ज्ञानज्योती पुरस्कार 2025 चे वितरण- रोटरी क्लब ऑफ कुडाळ कडून कै.राजश्री एकनाथ पिंगुळकर स्मृतिप्रीत्यर्थ रोटरी ज्ञानज्योती पुरस्कार 2025 साठी कुडाळ पडतेवाडी शाळेच्या मुख्याध्यापिका सौ.सुरेखा कदम यांची निवड करण्यात आली असून या कार्यक्रमात वितरण केले जाणार आहे.

रोटरी गुणवंत पाल्य व रोटेरियन्स सन्मान- वार्षिक पदग्रहण सोहळ्यात रोटरी क्लब ऑफ कुडाळ च्या सदस्यांच्या शैक्षणिक प्रगतीत विशेष प्राविण्य संपादित केलेल्या रोटरी पाल्यांचा सन्मान करण्यात येणार असून विशेष उल्लेखनीय कार्य करणा-या रोटरी सदस्यांचाही सन्मान करण्यात येणार आहे. 

सन 2025-26वर्षात रोटरी क्लब ऑफ कुडाळ कडून विविध शैक्षणिक व सामाजिक उपक्रम राबविण्यात येणार असून रक्तदान शिबीर, मोफत मेडिकल बॅंक, शालेय विद्यार्थ्यांसाठी स्वच्छ पिण्याचे पाणी, टाॅयलेट ब्लाॅक, डेस्कबेंच, समाजातील आर्थिक मागास गटातील लोकांसाठी बायोगॅस प्रकल्प, मुलींना सायकल वाटप, शाळांना ई लर्निंग संच, शिलाई मशिन्स वाटप, सौरऊर्जा संच वाटप, वृक्षारोपण, मोतिबिंदू शस्त्रक्रिया, लहान मुलांना हृदय शस्त्रक्रिया, कॅन्सर तपासणी शिबिर, जयपूरफूट शिबिर, एम एच एम कार्यक्रमांतर्गत कुमारवयीन मुलींसाठी विविध उपक्रम, आरोग्य शिबीर असे विविध उपक्रम राबविण्याचा मानस नूतन अध्यक्ष राजीव पवार यांनी सांगितला. 

रोटरी क्लब ऑफ कुडाळ नुतन पदाधिकारी - अध्यक्ष राजीव पवार, सचिव मकरंद नाईक, खजिनदार राकेश म्हाडदळकर, आयपीपी डाॅ.संजय केसरे, उपाध्यक्ष प्रमोद भोगटे, एक्झिक्युटिव्ह सेक्रेटरी डाॅ.राजवर्धन देसाई, सार्जंट ॲट आर्मस दिनेश आजगावकर, क्लब सर्वीस कौस्तुभ पाटणकर, व्होकेशनल सर्वीस अभिषेक माने, कम्युनिटी सर्वीस अमित वळंजू, इंटरनॅशनल सर्वीस प्रणय तेली, युथ सर्वीस अजिंक्य जामसंडेकर, पोलिओ प्लस डाॅ.रवींद्र जोशी, चेअरमन क्लब ट्रेनर रविंद्र परब, चेअरमन मेंबरशीप नीता गोवेकर, चेअरमन क्लब ॲडमिनीस्ट्रेशन गजानन कांदळगावकर, फाऊंडेशन शशिकांत चव्हाण, पब्लिक रिलेशन एकनाथ पिंगुळकर, सर्वीस प्रोजेक्ट डाॅ.संजय सावंत, हिस्टोरियन डाॅ.योगेश नवांगुळ, कल्चरल रूपेश तेली, सोशल मिडिया सचिन मदने, इव्हेंट मयुरेश शिरसाट, वुमन एपाॅवरमेंट सई तेली, स्पोर्ट्स डाॅ.गिरीष राणे, मेन्टाॅर ॲड.राजीव बिले, सीए गजानन प्रभू , काशिनाथ सामंत, संजय पिंगुळकर, राजन बोभाटे, अभिजीत परब, डी.के.परब यांची निवड करण्यात आली असून या सर्वांना पदग्रहण केले जाणार आहे. 

पत्रकार परिषदेत रोटरी क्लब ऑफ कुडाळचे राजीव पवार, डाॅ.संजय केसरे, सचिन मदने, राकेश म्हाडदळकर, रविंद्र परब, दिनेश आजगावकर, इनरव्हील क्लब ऑफ कुडाळ सौ.सानिका मदने, सौ.डाॅ सायली प्रभू,सौ. शिल्पा बिले उपस्थित होते.