दोडामार्ग : साटेली - भेडशी खालचा बाजार येथे कल्याण मटक्याचा जुगार खेळवत असलेल्या एका इसमावर दोडामार्ग पोलिसांनी कारवाई केली. अनिकेत बाबू खरवत (२४, रा. झरेबांबर, काजूळवाडी) असे संशयिताचे नाव आहे. तो मंगळवारी दुपारी १२:४५ ते १ वाजण्याच्या सुमारास साटेली-भेडशी खालचा बाजार या सार्वजनिक ठिकाणी कल्याण मटक्याचे आकडे घेऊन जुगार खेळवताना पोलिसांना आढळून आला.
यावेळी त्याच्याकडून रोख रक्कम २७५० रुपये व मटक्याचे साहित्य जप्त करण्यात आले. याप्रकरणी महा. जुगार प्रतिबंधक अधिनियम १८८७ मधील कलम १२(अ) अंतर्गत गुन्हा दाखल करण्यात आला असल्याची माहिती पोलीस निरीक्षक हेमचंद्र खोपडे यांनी दिली.
